કાચા તેલના ભાવમાં આ મોટો ઘટાડો પાકિસ્તાન સાથેના યુદ્ધ જેવી પરિસ્થિતિમાં ભારતને આર્થિક મજબૂતી આપશે. ભારત જેવા તેલ આયાત કરતા દેશ માટે કાચા તેલની કિંમત ખૂબ જ મહત્વપૂર્ણ છે. ક્રૂડ ઓઇલના ભાવ દેશના જીડીપી પર પણ અસર કરે છે. વર્તમાન વૈશ્વિક પરિસ્થિતિને ધ્યાનમાં લેતા, તેલના ભાવમાં વધારો થવાની કોઈ શક્યતા નથી. આ એક સારા સમાચાર છે. છેલ્લા 1 મહિનામાં ક્રૂડ ઓઇલના ભાવમાં પ્રતિ બેરલ 10 ડોલરનો ઘટાડો થયો છે. આનાથી ભારતના તેલ આયાત બિલમાં નોંધપાત્ર ઘટાડો થયો છે.

આજે રાષ્ટ્રીય રાજધાની દિલ્હીમાં એક લિટર પેટ્રોલ 94.77 રૂપિયા પ્રતિ લિટરના ભાવે વેચાઈ રહ્યું છે. તે જ સમયે, ડીઝલ 87.૬૭ રૂપિયા પ્રતિ લિટરના ભાવે વેચાઈ રહ્યું છે. ભારતમાં સૌથી સસ્તું પેટ્રોલ અને ડીઝલ પોર્ટ બ્લેરમાં ઉપલબ્ધ છે. અહીં પેટ્રોલનો ભાવ 82.46 રૂપિયા પ્રતિ લિટર અને ડીઝલનો ભાવ 78.05 રૂપિયા પ્રતિ લિટર છે. ક્રૂડ ઓઇલના ભાવ હવે એટલા સ્તરે છે કે સરકાર પેટ્રોલ અને ડીઝલના ભાવ પણ ઘટાડી શકે છે. ભારત તેની 85 ટકાથી વધુ તેલની જરૂરિયાતો આયાત દ્વારા પૂર્ણ કરે છે.