કિક 2નું ફોટોશૂટ  તાજેતરમાં જાહેર થયું છે અને  માચો મેન સલમાન ખાનની તસવીર જોઈને ચાહકોએ કહ્યું- સિકંદર પછી ડેવિલ.
મેકર્સે સિકંદર સાથેની સલમાન ખાનની નવી ફિલ્મ કિક 2ની જાહેરાત કરી છે.જેના લીધે ચાહકોની ઉત્તેજના વધી છે.સલમાન ખાન આગામી ફિલ્મ કિક 2માં લોકોનું મનોરંજન કરવા આવી રહ્યો છે.સલમાન ખાનની 2014ની કિક સૌથી વધુ પસંદ કરવામાં આવેલી ફિલ્મોમાંથી એક છે, જેમાં જેકલીન ફર્નાન્ડીઝ લીડ રોલમાં જોવા મળી હતી. તાજેતરમાં એવા અહેવાલો આવ્યા હતા કે નિર્માતા કિક 2ની તૈયારી કરી રહ્યા છે. દરમિયાન, નિર્માતા અને નિર્દેશક સાજિદ નડિયાદવાલાએ કિક 2 ની જાહેરાત કરતી વખતે એક ફોટો શેર કર્યો છે અને કહ્યું છે કે સલમાન ખાને કિક 2 નું ફોટોશૂટ સિકંદરના શૂટિંગ વચ્ચે કરાવ્યું છે. આ અપડેટ શેર કર્યા પછી, હવે ચાહકો પ્રતિક્રિયા આપતા જોવા મળી રહ્યા છે.

સાજિદ નડિયાદવાલાએ ઈન્સ્ટાગ્રામ પર એક પોસ્ટ મૂકી છે , જેમાં તેણે સલમાન ખાનનો એક ફોટો શેર કર્યો, જેમાં ભાઈજાનનો ચહેરો દેખાતો નથી. પરંતુ કારની વચ્ચે ઉભેલા ડેવિલ લુકમાં ફેન્સ તેને ખૂબ પસંદ કરી રહ્યા છે. નોંધનીય છે કે આ દિવસોમાં સલમાન ખાન 2025માં મોટા પડદા પર આવી રહેલી સિકંદરની શૂટિંગમાં વ્યસ્ત છે. આ ફિલ્મનું નિર્દેશન એઆર મુરુગાદોસે કર્યું છે. જ્યારે રશ્મિકા મંદાન્ના, શરમન જોશી અને કાજલ અગ્રવાલ મહત્વના રોલમાં જોવા મળશે.