જામજોધપુરનાં સોગઠી ગામે સેવાનિવૃત્ત પુરસ્કૃત ફૌજીને વતનમાં ભવ્ય આવકારસહ સન્માન

જામનગર જિલ્લાનાં સોગઠી ગામનાં વતની જે.ડી.સાગઠીયા ઇન્ડીયન આર્મીમાં ૨૦ વર્ષ ફરજ નિભાવી છેલ્લે લેહ લદાખ ખાતે ફરજ પૂર્ણ કરી સેવા નિવૃત્ત થતાં વતનમાં તેમનો ભવ્ય સ્વાગત સમારંભ યોજાયો હતો.
પાંચ બહેનોનાં એકનાં એક ભાઇ એવા જે.ડી. સાગઠીયાએ દેશની રક્ષા માટે જીવન સમર્પિત કર્યુ હતું. વર્ષ ૨૦૧૮ માં સૈન્યમાં તેમની સેવાઓ બદલ તેમને સન્માનિત પણ કરવામાં આવ્યા હતા.
દેશની સરહદોની રક્ષા કરી વતનનું નામ ઉજળું કરનાર સપૂતને વતન સોગઠીમાં ભરપૂર પ્રેમ અને આદર પ્રાપ્ત થયા હતા.