જન્મદિવસની પ્રેરણારૂપ ઉજવણી

ખંભાળિયા તાલુકાના વિંજલપર ગામે એક બાળકના જન્મ દિવસની ઉજવણી કે.જી.બી.વી. પરિસરમાં 50 જેટલા વૃક્ષોના વાવેતર મારફતે કરવામાં આવી હતી.

આ પ્રેરણા રૂપ પ્રવૃત્તિમાં ખંભાળિયા તાલુકાના વિંજલપર ગામના કસ્તુરબા ગાંધી બાલિકા વિદ્યાલય (કેજીબીવી) ના સંચાલક કમ હેડ શિક્ષક શ્રીમતી મંજુબેન તથા ભાણખોખરી તાલુકા શાળાના સી.આર.સી. કો-ઓર્ડીનેટર લખમણભાઈના પુત્ર શિવમના જન્મદિવસ નિમિત્તે કે.જી.બી.વી. હોસ્ટેલના નિશાળ પટાંગણમાં આજરોજ વિવિધ પ્રકારના 50 જેટલા વૃક્ષોનું વાવેતર કરી અને આ અનોખી ઉજવણી કરવામાં આવી હતી.

બાળકની ઉજવણીમાં બિનજરૂરી ખર્ચ કરવાના બદલે વૃક્ષોનું વાવેતર કરી, "વૃક્ષ એ જ જીવન"નો સંદેશ આપવામાં આવ્યો હતો. આ પ્રવૃત્તિ બદલ જિલ્લા પ્રાથમિક શિક્ષણાધિકારી તેમજ સ્ટાફ દ્વારા આ પ્રવૃત્તિને બિરદાવી, શુભકામનાઓ પાઠવવામાં આવી હતી.