ભોયવાડો અને રણજીતસાગર રોડ પર પોલીસ પ્રગટી

જામનગરના ભોયવાડા વિસ્તારમાં બાતમીના આધારે પોલીસે દરોડો પાડી એક શખ્સને વિદેશી દારૂની બે બોટલ સાથે પકડી લીધો હતો, જયારે રણજીતસાગર રોડ પરથી એક શખ્સને ઇંગ્લીશ દારૂની એક બોટલ લઇને નીકળતા પકડી પાડી આ અંગે પુછપરછ હાથ ધરી હતી.

જામનગરના ભોયવાડો રાયફળીની સામે રહેતા હેમાંશુ ધીરજલાલ મહેતા (ઉ.વ.32) નામના શખ્સના ભોગવટાના મકાનમાં દારૂ હોવાની હકીકત આધારે સીટી-એ પોલીસે દરોડો પાડી વિદેશી દારૂની બે બોટલ સાથે તેને પકડી લીધો હતો.

જયારે અન્ય દરોડામાં જામનગરના ગોકુલનગર શેરી નં. 10  રડાર રોડ ખાતે રહેતા અણ પ્રવિણ ડાભી (ઉ.વ.27) નામના ઇસમને વિદેશી દારૂની એક બોટલ સાથે રણજીતસાગર રોડ હોસ્પીટલ નજીકથી પકડી પાડયો હતો.