તાણ-આંચકી ઉપડતાં પાણીમાં પડી જવાથી બનેલો બનાવ

લાલપુર તાલુકાના મુરીલા ગામમાં રહેતી એક પરણીતા બે દિવસ પહેલા નદીએ કપડાં ધોવા ગઈ હતી. જયાં તાણ આંચકીના કારણે પાણીમાં પડી જતા મૃત્યુ નિપજયુ હતું.
લાલપુર તાલુકાના મુરીલા ગામમાં રહેતી રૂડીબેન જેઠાભાઈ ધ્રાંગીયા નામની ૩૩ વર્ષની યુવતી જુની વાય તેમજ તાણ આંચકીની બીમારીથી પીડાતી હતી. દરમિયાન તા. ૧૩ના રોજ કપડાં ધોવા માટે મુરીલા ગામની નદીએ ગઈ હતી, જ્યાં તેણીને અચાનક તાણ આંચકી ઉપડતાં અકસ્માતે નદીના પાણીમાં પડી જતા ડૂબી જવાથી તેણીનું મૃત્યુ નીપજ્યું છે.
આ બનાવ અંગે મૃતકના પતિ જેઠાભાઈ પાંચાભાઇ ધ્રાંગીયાએ પોલીસને જાણ કરતાં લાલપુર પોલીસે મૃતદેહ નો કબજો સંભાળી સમગ્ર બનાવ અંગે તપાસ શરૂ કરી છે.