ભાવનગર નીલમબાગ પોલીસે શહેરના વડવા વિસ્તારમાંથી વિદેશી દારૂના જથ્થા સાથે એક.શખ્સને ઝડપી લીધો હતો. વડવા વિસ્તારમાં આવેલા જૂની શાકમાર્કેટ પાસે શખ્સના કબ્જામાં રખાયેલી વિદેશી દારૂની બોટલ નંગ ૯૬ કિંમત રૂપિયા ૯૬૦૦ અને મોબાઈલ મળી કુલ રૂપિયા ૧૭,૬૦૦ નો મુદ્દામાલ કબજે કરાયો હતો.

આ બનાવ અંગે નીલમબાગ પોલીસ મથક ખાતેથી મળતી માહિતી અનુસાર નિલમબાગ પોલીસ સ્ટાફ પોતાના પોસ્ટે વિસ્તારમાં પેટ્રોલિંગમાં હતા. તે દરમ્યાન ખાનગી રહે હકિકત મળેલ કે ભાવનગર વડવા પાળીયાધાર જુની શાક માર્કેટ મેલડીમાતાના મંદીરના ઓટલા પાસે સાજનભાઈ ઉર્ફ બીચ્છુ ગીરીશભાઈ બારૈયા ઇંગ્લીશ દારૂની વેચાણ કરે છે. જે બાતમીના આધારે જગ્યાએ જઈ રેઇડ કરતા સાજનભાઈ ઉર્ફે બીચ્છુ ગીરીશભાઈ બારૈયાને ઇંગ્લીશ દારૂની બોટલ નંગ-૯૬ સાથે ઝડપી લીધો હતો. પોલીસે રેડ કરી વિદેશી દારૂની બોટલ નંગ ૯૬ જેની કિંમત રૂપિયા ૯૬૦૦ અને એક મોબાઈલ જેની કિંમત રૂપિયા ૮૦૦૦ મળી કુલ રૂપિયા ૧૭,૬૦૦ નો મુદ્દામાલ કબજે કરી શખ્સ વિરુદ્ધ પ્રોહીબીશનની કલમ હેઠળ ગુનો દાખલ કરી ધોરણસરની કાર્યવાહી હાથ ધરી હતી.