શહેરમાંથી બે વાહનોની ચોરી કરી ગયાની પોલીસ ફરિયાદ

જામનગર શહેરમાં વાહન ચોર ટોળકી ફરીથી સક્રિય બની છે, અને જામનગર શહેરમાં જ જુદા જુદા બે વિસ્તારોમાંથી બે મોટરસાયકલની ચોરી કરી લઈ ગયા ની ફરિયાદ પોલીસમાં નોંધાવાઇ છે. જામનગરમાં સાત રસ્તા સર્કલ વિસ્તારમાં કાલાવડ તાલુકાના માછરડા ગામના બટુકસિંહ અમરસિંહ રાઠોડ નામના યુવાને પોતાનું બાઈક પાર્ક કર્યું હતું, ત્યાંથી કોઈ તસ્કરો ચોરી કરી લઈ ગયા ની ફરિયાદ સિટી સી. ડિવિઝન પોલીસ મથકમાં નોંધાવાઇ છે.

આ ઉપરાંત જામનગર રાજકોટ રોડ પર એક કારની કંપનીના શોરૂમ ની બહાર પાર્ક કરવામાં આવેલા ભરતભાઈ મોહનભાઈ અટારા નામના યુવાનની માલિકીનું મોટરસાયકલ કોઈ તસ્કરો ચોરી કરી લઈ ગયા ની ફરિયાદ પોલીસ મથકમાં નોંધાવવામાં આવી છે. જે મામલે પોલીસ તપાસ ચલાવે છે.