રાજકોટ રેન્જ આઈજી અશોકકુમાર યાદવની પ્રોહીબીશન ડ્રાઈવ યોજવાની સુચનાથી વાંકાનેર સીટી પોલીસ એકશનમાં આવી અલગ અલગ ચાર ટીમ બનાવી શહેરમાં પ્રોહીબીશન કોમ્બીંગ ડ્રાઈવનું આયોજન કરવામાં આવ્યું હતું. જેમાં જુદા જુદા ૮ દેશીદારૂના હાટડા પર પોલીસે દરોડો પાડી ૮ ઈસમોને રૂા.૧૮ હજારની કિંમતના મુદ્દામાલ સાથે ઝડપી લીધા હતા.
વાંકાનેર પોલીસની ડ્રાઈવ દરમિયાન પોલીસની ચાર ટીમોએ જુદા જુદા વિસ્તારમાં કરેલ તપાસ દરમિયાન દેશી દારૂના ૮ કેસ શોધી કાઢી ૯૦ લીટર દેશી દારૂ સહિત રૂા.૧૮ હજારના મુદ્દામાલ સાથે આરોપી કલ્પેશ ઉર્ફે સિતારામ નરભેરામ નિમાવત રહે. આરોગ્યનગર, કરણ સનમુગમ નાયકર રહે. મીલપ્લોટ, નીેતેશ બટુકભાઈ વિરસોડીયા રહે. નવાપરા, યાસમીન ઉર્ફે જાડી રહીમભાઈ આદમાણી રહે. ચંદ્રપર, મરીયમ ઉર્ફે મમુ હબીબભાઈ વિકીયાણી રહે. ચંદ્રપર, જેતુન રાયધનભાઈ મોવર રહે. વીશીપરા, લાભુ બાલાભાઈ ડાભી રહે. મીલપ્લોટ, સુરેશ કાળુભાઈ વિંજવાડીયા રહે. નવાપરાને ઝડપી લઈ ધોરણસરની કાર્યવાહી હાથ ધરી હતી