પોરબંદરનો માચ્છીમારી ઉદ્યોગ સરકારને કરોડો ‚પિયાનું હુંડીયામણ કમાવી આપે છે પરંતુ સાગરપુત્રોને પાયાની સુવિધા આપવામાં પણ સરકાર અખાડા કરે છે. જેમાં ફિશરીઝ ટર્મીનલ વિસ્તારમાં  જર્જરિત શૌચાલય કોઇનો જીવ લે તેવી શકયતા જણાઇ રહી છે તેથી સમારકામ કરવા અથવા નવુ બનાવી આપવા માંગણી પ્રબળ બની છે.
પોરબંદરના સુભાષનગર વિસ્તારમાં આવેલ ફિશરીઝ ટર્મીનલ ખાતે વર્ષો પહેલા બનાવાયેલ શૌચાલય અને બાથ‚મ ખૂબજ જર્જરિત બની ગયા છે અને સ્લેબમાંથી લોખંડના સળિયા ડોકાઇ રહ્યા છે તથા અનેક પોપડા ખરી ચુકયા છે. મુખ્ય દિવાલમાં પણ ગાબડા પડી ગયા છે તેમજ અસહ્ય ગંદકી ખદબદી રહી છે.  દરવાજા પણ ભાંગી તૂટી ગયા છે તેથી આ વિસ્તારમાં માચ્છીમારો તથા ફિશીંગના વ્યવસાય સાથે સંકળાયેલા અન્ય ધંધાર્થીઓને પારાવાર પરેશાની વેઠવી પડે છે અને આ શૌચાલયમાં કોઇનો જીવ જાય તે પહેલા સમારકામ કરાવવુ જ‚રી બન્યુ છે.આ પ્રકારની વધુ એક રજૂઆત તંત્ર સુધી પહોંચાડવામાં આવી છે.