બોલિવૂડ એક્ટર રિતિક રોશન તેની એરિયલ એક્શન ફિલ્મ 'ફાઇટર'થી દર્શકોનું મનોરંજન કરવા માટે તૈયાર છે. આ બહુઅપેક્ષિત ફિલ્મ પ્રજાસત્તાક દિવસના અવસર પર 25 જાન્યુઆરીએ સિનેમાઘરોમાં રિલીઝ થવાની છે. ફિલ્મના ગીતો અને ટીઝરે દર્શકોમાં જબરદસ્ત ઉત્તેજના પેદા કરી હતી. હવે દર્શકોના ઉત્સાહને વધારવા માટે ફિલ્મનું દમદાર ટ્રેલર રિલીઝ કરવામાં આવ્યું છે. ટ્રેલરમાં હૃતિક રોશન, દીપિકા પાદુકોણ, અનિલ કપૂર અને કરણ સિંહ ગ્રોવર એરફોર્સ ઓફિસર તરીકે દેશભક્તિની ભાવનામાં ડૂબેલા જોવા મળે છે.

ટ્રેલરની શરૂઆત હૃતિક રોશનના અવાજથી થાય છે કે ફાઇટર તે નથી જે લક્ષ્ય હાંસલ કરે છે, પરંતુ ફાઇટર તે છે જે તેના દુશ્મનોને પછાડે છે. અનિલ કપૂર કેપ્ટન તરીકે એરફોર્સના શ્રેષ્ઠ અધિકારીઓની એક ટીમને તૈયાર કરે છે. જેમાં હૃતિક, દીપિકા અને કરણનો સમાવેશ થાય છે. ત્યારબાદ પુલવામા બોમ્બ બ્લાસ્ટ બાદ તમામ લડવૈયાઓ યુદ્ધ માટે તૈયાર છે અને પોતાનો જીવ જોખમમાં મુકતા જોવા મળે છે.

આ સમય દરમિયાન, તમામ લડવૈયાઓ ઘણા પડકારોનો સામનો કરી રહ્યા છે, જેને તેઓ કદાચ તેમની ખુશીઓનું બલિદાન આપીને દૂર કરવા જઈ રહ્યા છે. ફાઈટરના ટ્રેલરમાં હૃતિક અને દીપિકા વચ્ચેની કેમેસ્ટ્રી પણ જોવા મળી હતી, પરંતુ ટ્રેલરમાં એવો ઈશારો આપવામાં આવ્યો હતો કે યુદ્ધના મેદાનમાં તેમણે પ્રેમનું બલિદાન આપવું પડશે. ટ્રેલરમાં હૃતિક અને દીપિકા દેશ માટે લડતા જોવા મળ્યા હતા અને તેમનું દમદાર એક્શન પણ જોવા મળ્યું હતું. જે પ્રેક્ષકોમાં ઉત્સાહ જગાડવા માટે પૂરતુ કહી શકાય.

મહત્વનું છે કે, હૃતિક રોશન અને દીપિકા પાદુકોણ પહેલીવાર 'ફાઇટર'માં સ્ક્રીન સ્પેસ શેર કરી રહ્યા છે. ટ્રેલર જોઈને એમ કહેવું ખોટું નહીં રહે કે આ ફિલ્મમાં બંનેની જોડી લોકોના દિલ જીતી લેશે. ફાઈટર ફિલ્મનું ટ્રેલર ઘણું ધમાકેદાર છે. ફાઈટર ફિલ્મના ટ્રેલરને સોશિયલ મીડિયા પર ખૂબ પસંદ કરવામાં આવી રહ્યું છે. લોકોનું કહેવું છે કે આ ફિલ્મ વર્ષ 2024ની સર્વશ્રેષ્ઠ ફિલ્મ હશે. એટલું જ નહીં આ ફિલ્મ સુપરહિટ સાબિત થશે.