એક્ટર આસિફ શેખે ટીવી શો 'ભાભીજી ઘર પર હૈ'માં અત્યાર સુધીમાં 400થી વધુ રોલ નિભાવ્યા છે. આટલા બધા રોલ ભજવીને અભિનેતાએ ગિનિસ બુક ઓફ વર્લ્ડ રેકોર્ડમાં પોતાનું નામ નોંધાવ્યું છે. આસિફે 'કરન-અર્જુન', 'હસીના માન જાયેગી', 'શાદી કરકે ફસ ગયા યાર' અને 'બંધન' જેવી સુપરહિટ ફિલ્મોમાં પણ કામ કર્યું છે. જો કે, તે તેની કારકિર્દીમાં જે સફળતા શોધી રહ્યો હતો તે ટીવી શો 'ભાભી જી ઘર પર હૈ'થી મળી હતી.


એક સમય એવો હતો જ્યારે આસિફને કામ મળતું બંધ થઈ ગયું હતું. આ પાછળની હકીકત એવી હતી કે આસિફે મુખ્ય હીરો તરીકે તેમની કારકિર્દીની શરૂઆત કરી હતી. થોડી ફિલ્મો કર્યા પછી તેમને લીડ એક્ટરની ભૂમિકાઓ મળવાનું બંધ થઈ ગયું.
​​​​​​​

જો અભિનેતાની વાત કરવામાં આવે તો તે પોતાની કારકિર્દીમાં ઘણી ખરાબ ફિલ્મોનો હિસ્સો રહ્યો છે, પરંતુ આજે તે દેશનો જાણીતો ચહેરો છે. દિગ્ગજ એક્ટર ધર્મેન્દ્રથી લઈને બોબી દેઓલ, યામી ગૌતમથી લઈને આલિયા ભટ્ટ સુધી ઈન્ડસ્ટ્રીના ઘણા લોકો તેમના કામના વખાણ કરે છે.

59 વર્ષીય અભિનેતા માટે તેના કોઈપણ પ્રોજેક્ટમાં 400થી વધુ પાત્રો ભજવવાની તક મળે તે મોટી વાત છે. આ શોમાં તેમણે દરેક વયની સ્ત્રીનું પાત્ર ભજવ્યું છે, જે પડકારજનક, રસપ્રદ અને જોવા જેવું હતું. તેમણે કહ્યું કે, જ્યારે મેં મારી કારકિર્દીમાંથી આશા છોડી દીધી હતી ત્યારે મને આ શોની ઓફર કરવામાં આવી હતી. આજે આ શોએ મને નામ, ખ્યાતિ અને ઓળખ આપી. મારું નામ ગિનિસ બુક ઓફ વર્લ્ડ રેકોર્ડમાં નોંધાયેલું છે. આ તક માટે હું હંમેશાં મેકર્સ અને ચેનલનો આભારી રહીશ.