સપ્લાયરનું નામ ખુલ્યું

જામનગરમાં પંચેશ્વર ટાવર વિસ્તાર માથી એક વેપારીને પોલીસે ઇંગલિશ દારુ સાથે ઝડપી લીધો છે, જ્યારે તેની પૂછપરછ માં દારૂ ના સપ્લાયર નું નામ ખુલ્યું છે.

જામનગરમાં પંચેશ્વર ટાવર નજીક વંડાફળી વિસ્તારમાં રહેતા રાહુલ અજયભાઈ પાડલીયા નામના એક વેપારીને સીટી એ. ડિવિઝન પોલીસે પાંચ નંગ ઇંગ્લિશ દારૂની બાટલીના જથ્થા સાથે ઝડપી લીધો છે, અને તેની સામે દારૂ બંધી ભંગ બદલ ગુનો નોંધ્યો છે.

પોલીસ પૂછપરછ દરમિયાન તેને ઉપરોક્ત દારૂનો જથ્થો જામનગરના ગુલાબ નગર નજીક મોહનનગર આવાસમાં રહેતા વિશાલ ગુણવંતરાય ગોપિયાણી નામના શખ્સે સપ્લાય કર્યો હોવાનું જણાવતાં તેને ફરારી જાહેર કરાયો છે.

જામનગરના બેડી રામનગરના ઢાળીયા વિસ્તારમાંથી ઇંગ્લિશ દારૂ સાથે નીકળેલા સલીમ ઉર્ફે મુન્ના નૂરમહામદ ને પોલીસે ઝડપી લીધો છે, અને તેની સામે પણ દારૂબંધી ભંગ અંગે ગુન્હો નોંધ્યો છે.