પોરબંદરની ચોપાટી ખાતે પર્યટનપર્વ અંતર્ગત રાજભા ગઢવીના લોકડાયરાનું આયોજન થયુ હતુ.
ગુજરાત સરકારના રમત  ગમત અને સાંસ્કૃતિક પ્રવૃત્તિઓ, ગાંધીનગર તથા કમિશ્નર યુવક સેવા અને સાંસ્કૃતિક પ્રવૃત્તિઓ, ગાંધીનગર તેમજ જિલ્લા વહીવટી તંત્ર, પોરબંદરનાં સંયુક્ત ઉપક્રમે ચોપાટી પોરબંદર ખાતે પોરબંદર છાયા નગરપાલિકા પ્રમુખ  ડો ચેતના તિવારી,જિલ્લા વિકાસ અધિકારી કે. બી. ઠક્કર સહિતનાં મહાનુભાવોની પ્રેરક ઉપસ્થિતિમાં ભવ્ય પર્યટન પર્વ સાંસ્કૃતિક કાર્યક્રમ યોજાયો હતો.આ પર્યટન પર્વ નિમિતે ચોરવાડ હોળી ગ્રુપ દ્વારા ભવ્ય સાંસ્કૃતિક કૃતિ રજૂ કરવામાં આવી હતી. તેમજ લોક સાહિત્યકાર રાજભા ગઢવી દ્વારા લોકડાયરાના સુર લહેરાવીને સમગ્ર વાતાવરણને સંસ્કૃતિમય કરી દીધું હતું.આ તકે પોરબંદર છાયા નગરપાલિકા પ્રમુખ  ડો ચેતના તિવારી, જિલ્લા વિકાસ અધિકારી કે. બી. ઠક્કર,જિલ્લા પોલીસ વડા ભગીરથ જાડેજા, અગ્રણીઓ તેમજ વિવિધ વિભાગના અધિકારીઓ તથા બહોળી સંખ્યામાં નાગરિકોએ ભવ્ય કાર્યક્રમ નિહાળ્યો હતો.