ભાવનગર શહેરના સુભાષનગર વિસ્તારમાં આગની ઘટના બની હતી. સુભાષનગર એરપોર્ટ રોડ પર બાલા હનુમાનજી મંદિર સામે આવેલી ખુલ્લી જગ્યામાં પડેલા કચરાના ઢગલામાં અચાનક આગ ભભૂકી હતી. આજે મુખ્યમંત્રી ભાવનગર આવી રહ્યા હોય તેવા સમયે જ એરપોર્ટ રોડ પર પડેલા કચરાના ઢગલામાં અચાનક આગ લગતા તંત્ર દોડતું થયું હતું. આગના બનાવ મામલે ફાયર બ્રિગેડને જાણ કરાઈ હતી. જેની જાણ થતાની સાથે જ ભાવનગર મહાનગરપાલિકા ફાયર ટીમ તાત્કાલિક બનાવ સ્થળે દોડી ગયું હતું. જોકે કચરામાં મોડી રાતથી આગ લાગી હોવાથી ફાયરની બે જેટલી ગાડી પાણી છાંટી છાંટી ભારે જહેમત બાદ આગ પર કાબુ મેળવ્યો હતો. જોકે આ ઘટનામાં સદનસીબે કોઈ જાનહાની સર્જાઈ ન હતી.