યાત્રાધામ દ્વારકાના ભગવાન દ્વારકાધીશજી જગતમંદિરમાં શુક્રવારે સાંજે ઠાકોરજીના ઉત્થાપન દર્શન સમયે ભાવિક પરિવાર દ્વારા વારાદાર પ્રણવભાઈ પુજારી પરિવારના સૌજન્યથી આંબા મનોરથ યોજવામાં આવ્યો હતો. ઉનાળાની સીઝનમાં ઉત્તમ-ફળોના રાજા એવા આંબા ભરેલી કલાત્મક સુંડલીઓને ચોતરફ ગુલાબ પંખુડીઓથી સજાવવામાં આવી હતી. ગ્રીષ્મ ઋતુમાં શ્રીજીને પણ પુષ્પકલિઓનો દિવ્ય શૃંગાર યોજવામાં આવ્યો હતો. ઉત્થાપન સમયે યોજાયેલ આંબા મનોરથ નિમિત્તે શ્રીજીની વિશેષ આરતી પણ યોજવામાં આવી હતી જેનો બહોળી સંખ્યામાં ભાવિકોએ તેમજ ઓનલાઈનના વિવિધ માધ્યમોથી લાખો કૃષ્ણભકતોએ લાભ લીધો હતો.