અન્ય શખ્સોની શોધખોળ : પકડાયેલા શખ્સની સધન પુછતાછ

જામનગરમાં અઠવાડિયા પહેલા એક એડવોકેટની હત્યા નિપજાવવામાં આવી હતી.જેમાં સંડોવાયેલા બેડીની કુખ્યાત સાયચા ગેંગના એક શખ્સને પોલીસેે પકડી પાડ્યો છે. અને તેના ૭ દિવસનાં રિમાન્ડ મંજૂર થયા છે. આ ચકચારી બનાવમાં અન્ય આરોપીઓની શોધખોળ સ્પે. ટીમ દ્વારા ચલાવવામાં આવી રહી છે.
જામનગરના બેડી વિસ્તારમાં ગત બુધવારે  એડવોકેટ હારૂનભાઈ પલેજા ની  હત્યા નીપજવવામાં  આવી હતી. જેમાં  કુખ્યાત સાયચા ગેંગના શખ્સો  સહિત ૧૫ સામે પોલીસમાં ફરિયાદ નોંધાવાઈ  હતી. આ  ગુનાના આરોપીઓને  પકડી પાડવા માટે એસપી પ્રેમસુખ ડેલુ એ  ડીવાયએસપી જે.એન. ઝાલાના વડપણ હેઠળની સીટ ની તપાસ સમિતિ ની રચના કરવામાં આવી હતી.
દરમિયાન આ ગેંગના બશીર જુસબ સાયચા નામના એક આરોપીને પોલીસ  દ્વારા ઝડપી લેવાયો  હતો. આ શખ્સની ધરપકડ કરવામાં આવ્યા પછી ગઇકાલે  આરોપીને ૧૪ દિવસની રિમાન્ડની માંગણી સાથે અદાલતમાં રજૂ કરવામાં આવ્યો હતો.જયા તેને ૭ દિવસ નાં રિમાન્ડ ઉપર સોંપવાનો હુકમ થયો છે.
 જેની પાસેથી હત્યામાં ઉપયોગમાં લેવાયેલો લોખંડનો પાઇપ, તેમજ એક સ્કૂટર વગેરે કબ્જે લેવાયા છે, જ્યારે અન્ય આરોપીઓની શોધખોળ  કરવામાં આવી રહી છે. ચકચારી હત્યા કેસમાં ૧૫ સામે ગુનો દાખલ થતા અસંખ્ય નિવેદનો લેવાયા હતા અને પુરતા પુરાવા એકત્ર કરવામાં આવી રહયા છે અન્ય આરોપીઓનું પગેરુ પોલીસે દબાવ્યું છે.