જેતપુરમાં ગોંદરા વિસ્તારમાં ગાળો બોલવા બાબતે ટપારતા યુવાન પર ચાર શખસોએ પાઇપ વડે હત્પમલો કરી દીધો હતો.દરમિયાન યુવાનના બચાવવા આવેલા અન્ય ત્રણ વ્યકિતઓ પર પણ આ શખસોએ હત્પમલો કરી તેમને મારમાર્યેા હતો.આ અંગે યુવાનની ફરિયાદ પરથી જેતપુર સિટી પોલીસે ચાર શખસો સામે ગુનો નોંધી ત્રણ આરોપીને ઝડપી લીધા હતાં.
હત્પમલાના આ બનાવની જાણવા મળતી વિગતો મુજબ,જેતપુરમાં ચાપરાજની બારી ગોંદરા વિસ્તારમાં રહેતા દિલિપ ઉર્ફે લાલો મામૈયાભાઇ લુણી(ઉ.વ ૩૧) નામના યુવાને જેતપુર સિટી પોલીસ સ્ટેશનમાં નોંધાવેલી ફરિયાદમાં આરોપી તરીકે અનિલ નારણભાઇ રાઠોડ, ચીરાગ નારણભાઇ રાઠોડ, કરશન ઉર્ફે કસો પરબતભાઇ રાઠોડ અને અમરા પરબતભાઇ રાઠોડના નામ આપ્યા છે.
ફરિયાદમાં જણાવ્યું હતું કે, આરોપી અનિલ રાઠોડ યુવાનની માતાને ગાળો આપતો હોય જેથી યુવાને તેને ગાળો નહીં આપવાનું કહેતા તે એકદમ ઉશ્કરોઇ ગયો હતો અને બાદમાં આ આરોપીઓએ એકસપં કરી યુવાન પર પાઇપ વડે હત્પમલો કરી દીધો હતો.જેથી યુવાનને બચાવવા કાળુભાઇ ડાયાભાઇ, રણજીતભાઇ કાળુભાઇ, સુરેશ કાળુભાઇ વચ્ચે પડતા આ શખસોએ તેમને પણ પાઇપ વડે મારમારી ઇજા પહોંચાડી હતી.
જે અંગે યુવાનની ફરિયાદ પરથી જેતપુર સિટી પોલીસે આ ચારેય આરોપીઓ સામે ગુનો નોંધ્યો હતો.પોલીસે આરોપી અનિલ, કરશન, અમરાને ઝડપી લીધા હતો જયારે આરોપી ચીરાગ રાઠોડ હાથ લાગ્યો ન હોય તેને ઝડપી લેવા તપાસ હાથ ધરી છે. બનાવ અંગે વધુ તપાસ પીએસઆઇ જી.બી.જાડેજા ચલાવી રહ્યા છે.