જીમડીસીલી બોકસાઈટ પ્રોજેકટ ભાટીયા દ્વારા આયોજન કરાયું

જીમડીસીલી-બોકસાઈટ પ્રોજેકટ ભાટીયા ખાતે તા. ૦૭/૧૦/૨૦૨૪ થી તારીખ ૧૫/૧૦/૨૦૨૪ દરમ્યાન વિકાસ સપ્તાહની ઉજવણી અંતર્ગત વિવિધ કાર્યક્રમનું આયોજન કરવામાં આવેલ છે. તારીખ ૧૧/૧૦/૨૦૨૪ ના રોજ મેવાસા ગામે પ્રોજેક્ટના ઇન્ચાર્જ જનરલ મેનેજર વિવેકકુમાર સિંઘની આગેવાની હેઠળ કલ્યાણપુર તાલુકા પંચાયતના પ્રમુખ, મેવાસા ગામના સરપંચ અને પંચાયતના સભ્યો,ગ્રામજનો તથા મેવાસા બોકસાઈટ માઇન્સના કર્મચારીઓની હાજરીમાં વિકાસ સપ્તાહની ઉજવણી કરવામાં આવેલ હતી. મેવાસા ગામની સરકારી શાળાઓમાં બોકસાઈટ પ્રોજેકટ ભાટીયા દ્વારા ચિત્રસ્પર્ધા અને રંગોળી સ્પર્ધાનું આયોજન કરવામાં આવેલ હતું. સ્પર્ધાના વિજેતાઓને ઈનામ વિતરણ કરવામાં આવેલ હતું. બોકસાઈટ પ્રોજેકટ ભાટીયાના કર્મચારીઓ દ્વારા મેવાસા ગામના રોજઆઈ માતાજીનાં મંદિરના પરિસરને તથા મેવાસા ગામની સરકારી શાળામાં સ્વચ્છતા અભિયાન હેઠળ સાફ સફાઈનો કાર્યક્રમ યોજવામાં આવેલ હતો