પહેલગામની જઘન્ય આતંકવાદી ઘટના બાદ આવી પડનારી કોઈ પણ અનિચ્છનીય પરિસ્થિતિના સામના માટે થઈને ભાવનગરના રાષ્ટ્રભકત નાગરિકો દ્વારા તારીખ ૧૧-૦૫ને રવિવારના રોજ સવારના ૯-૦૦ થી બપોરના ૨-૦૦ સુધી મોતીબાગ ટાઉન હોલ ખાતે ’મહા રક્ત સંજીવની યજ્ઞ’ નું આયોજન કરવામાં આવ્યું હતું. 
ભાવનગરના ધરાસભ્ય ઓ તેમજ મેયર અને સ્ટે. ચેરમેન સહિત ચૂંટાયેલા જનપ્રતિનિધિ ઓ, કલેક્ટર અને કમિશ્નર તેમજ ભાવનગર મહાનગર ભાજપના હોદ્દેદારો તેમજ ભાવનગરની વિવિધ વ્યાપારિક, સામાજિક અને શૈક્ષણિક સંસ્થાઓના હોદ્દેદારો અને પ્રતિનિધિઓ તેમજ ભાવનગર મહાનગરના દેશપ્રેમી નાગરિકો વિશાળ સંખ્યામાં રક્તદાન કરવા માટે ઉમટી પડ્યા હતા. અને દેશના સીમાડાઓ સાચવતા જવાનો માટે થઈને સાડી ચારસો સીસી કરતા વધુ રક્ત એકઠું કરવામાં આવ્યું હતું. ભાવેણાની જનતાએ સ્વયં શિસ્ત દ્વારા આ મહા રક્તદાન યજ્ઞને સફળ બનાવ્યો હતો, તેમજ સર તખ્તસિંહજી હોસ્પિટલ બ્લડ બેન્ક દ્વારા સેવા આપવામાં આવી હતી.