દરરોજ છ ઘ્વજાજીનું આરોહણ કરવામાં આવે છે: 2035 સુધીનું બુકીંગ થઇ ચૂકયું છે

યાત્રાધામ દ્વારકાના ભગવાન દ્વારકાધીશજી જગતમંદિર પર આરોહણ થતી તત્કાલ ધ્વજાજી માટે ડિસેમ્બર માસનો ડ્રો શ્રી ગુગ્ગુલી બ્રાહ્મણ જ્ઞાતિ દ્વારા પારદર્શકતા પૂર્વક સંપન્ન હતો.

જગત મંદિરમાં દરરોજ મોટી સંખ્યામાં ભક્તો દર્શન કરવા આવતા હોય છે અને જગતમંદિરમાં ધ્વજા આરોહણ તેમજ તુલા દાનનું ખાસું મહત્વ છે. દ્વારકાધીશ જગત મંદિરમાં દરરોજ છ ધ્વજાજીનું આરોહણ કરવામાં આવે છે જેનું બુકિંગ લગભગ 2035 સુધી થઈ ચૂકેલ છે. ગૂગળી બ્રાહ્મણ જ્ઞાતિ દ્વારા છ ધ્વજાજી પૈકી એક ધજાજીનું તાત્કાલ બુકિંગ કરવામાં આવે છે જેનો ડ્રો દર માસે યોજાય છે.

દ્વારકાધીશ જગત મંદિર પર આરોહણ થતી તત્કાલ ધ્વજાજી માટે ડિસેમ્બર માસ 2024નો જાહેરમાં કરવામાં આવતો ડ્રો ગુગ્ગુલી બ્રાહ્મણ જ્ઞાતિ દ્વારા 20 નવેમ્બરના રોજ બ્રહ્મપુરી નંબર 1મા ધ્વજાજીના યજમાન વૈષ્ણવો, ભક્તો, તીર્થ પુરોહિતો, કારોબારી સદસ્યો, મધ્યસ્થ સભા સદસ્યો, સલાહકાર સમિતિ સદસ્યો, સામાજિક કાર્યકરો વગેરેની ઉપસ્થિતિમાં પારદર્શકતા પૂર્વક ડ્રો સંપન્ન કરવામાં આવ્યો. અગાઉ ડ્રો માટે ફોર્મનું પણ વિતરણ કરવામાં આવ્યું હતું.