ગઈકાલે તા. ૩૦ માર્ચને રવિવારે ચૈત્ર સુદ એકમથી ચૈત્રી નવરાત્રિનો પ્રારંભ થયો છે.ભાવિકોએ સવારે પોતાના ઘેર આસ્થાભેર ઘટ સ્થાપન કરી નવરાત્રિ વ્રતનો પ્રારંભ કર્યો હતો.નવરાત્રિમાં માતાજીનું પૂજન, અર્ચન, સ્તુતિ,અનુષ્ઠાન, ઉપવાસ અને એકટાણા કરી નવરાત્રિ પર્વની ભાવભેર ઉજવણી કરાઈ રહી છે.નવરાત્રિના પ્રારંભ સાથે જ ભાવનગરના નાના - મોટા અંબાજી મંદિર, વડવાળા ચામુંડા માતાજીના મંદિર,સંસ્કાર મંડળ ખાતે ખાંડીયા કૂવા વાળા ખોડિયાર મંદિર,બહુચરાજી માતાજીના મંદિર તેમજ જિલ્લાના સુપ્રસિધ્ધ રાજપરા ખોડિયાર મંદિર,સિહોરના સિહોરી માતાજી,મહુવાના ભવાની માતાજીના મંદિર વગેરે મંદિરોમાં સવારથી જ બહોળી સંખ્યામાં ભાવિકો દર્શનાર્થે ઉમટી પડ્યા હતા.નવરાત્રિમાં ભાવિકો માતાજીની ભક્તિમાં લીન બની ગયા છે.