રાજકોટ પોલીસ દ્વારા અલગ અલગ કેસમાં કબજે કરવામાં આવેલ રૂ.૧૫.૯૦ લાખની કિંમતનું બ્રાઉનસુગર, રૂ.૨.૬૧ લાખની કિંમતનો ગાંજો, રૂ.૧.૧૨ લાખની કિંમતનું મેફેડ્રોન, રૂ. ૧૦,૯૨૦ ની કિંમતનું ચરસ, રૂ. ૫૦૦ ની કિંમતની ભાંગ, અને પોશ ડોડવા સહિત માદક પદાર્થનો કચ્છના ભચાઉ પાસે જુના કટારીયા ગામે નાશ કરવામાં આવ્યો હતો.

અત્રે ઉલ્લેખનીય છે કે, પોલીસ કમિશનર બ્રજેશ કુમાર ઝા અને અધિક પોલી કમિશનર મહેન્દ્ર બગડીયા દ્વારા એનડીપીએસ કેસના મુદમાલનો નિકાલ કરવા માટે ડ્રગ્સ ડિસ્પોઝલ કમિટિની રચના કરવામાં આવી છે. જેમાં અધ્યક્ષ તરીકે ડીસીપી ઝોન-૧ સજજનસિંહ પરમાર અને સભ્ય તરીકે એસીપી ક્રાઇમ બી.બી.બસીયા તથા એસઓજી પીઆઇ એસ.એમ.જાડેજા છે. તેમની નીગરાની હેઠળ આ કામગીરી કરવામાં આવી હતી.