ભાવનગર જિલ્લા માહિતી કચેરી ખાતે ફરજ બજાવતા નાયબ માહિતી નિયામક ચિંતન રાવલની ગાંધીનગર વડી કચેરી ખાતે બદલી થતાં વિદાય સમારોહ અને અમદાવાદ ખાતે ફરજ બજાવતા  રેસુંગ ચૌહાણે ભાવનગર ખાતે નાયબ માહિતી નિયામક (ઈ.ચા)નો ચાર્જ સંભાળતા સત્કાર સમારંભ યોજાયો હતો. 

આ વિદાય સમારોહમાં નાયબ માહિતી નિયામક  ચિંતન રાવલે ભાવનગર ખાતે ૨ વર્ષ અને ૩ મહિના જેટલા ટૂંકા સમયગાળા દરમિયાન તેમણે કરેલી કામગીરીના સંસ્મરણો વાગોળ્યા હતા. આ વેળાએ અમદાવાદ પ્રાદેશિક કચેરીના નાયબ માહિતી નિયામક હિમાંશુ ઉપાધ્યાય, સહાયક માહિતી નિયામક દિવ્યેશ વ્યાસ, ભાવનગર જિલ્લા માહિતી કચેરીના અધિક્ષક યુ.જે.બરાળ,માહિતી મદદનીશ કૌશિક શીશાંગીયા, જુનિયર કલાર્ક  જયરાજસિંહ  પરમાર તેમજ ફેલો  અશોકભાઇ મકવાણાએ  ચિંતન રાવલ સાથેની યાદગાર પળોને યાદ કરી તેમની કાર્યશૈલીને બિરદાવી હતી.  ચિંતન રાવલ અને  રેસુંગ ચૌહાણને શુભેચ્છા પાઠવવાની સાથે ભવિષ્યમાં તેઓ ઉત્તરોત્તર પ્રગતિ કરે તેવી શુભકામનાઓ પાઠવી હતી.

કાર્યક્રમનું સંચાલન  માહિતી મદદનીશ કૌશિક શીશાંગીયાએ કર્યું હતું. આ અવસરે કચેરીના અધિક્ષક યુ.જે.બરાળ, સિનિયર સબ એડીટર એસ.એન.મકવાણા, માહિતી મદદનીશ કૌશિક શીશાંગીયા, સહાયક અધિક્ષક જે.કે. બાંભણીયાએ  ચિંતન રાવલને શાલ ઓઢાડી તથા શ્રી ફળ આપી શુભેચ્છા પાઠવી હતી. વિદાય સમારોહમાં ભાવનગર જિલ્લા માહિતી કચેરીના કર્મીઓ તેમજ બોટાદ કચેરીના અમિતભાઇ મહેતા અને વિજયભાઇ મહેતા ઉપસ્થિત રહ્યાં હતાં.