ગુજરાત જાહેર સેવા આયોગ (GPSC) દ્વારા સરકારી નોકરીની તૈયારી કરી રહેલા ઉમેદવારો માટે મોટા સમાચાર સામે આવ્યા છે. GPSCએ વર્ગ-1 અને વર્ગ-2ની કુલ 244 જગ્યાઓ માટે ભરતીની જાહેરાત કરી છે. આ ભરતી માટે 7 થી 23 માર્ચ સુધી ઓનલાઈન ફોર્મ ભરી શકાશે. ઉમેદવારો આવતીકાલથી જ અરજી કરી શકશે.

જાહેરાત નંબર 240/2024-25 હેઠળ ગુજરાત વહીવટી સેવા, વર્ગ-1, ગુજરાત સિવિલ સર્વિસીસ, વર્ગ-1 અને વર્ગ-2 અને ગુજરાત મ્યુનિસિપલ ચીફ ઓફિસર સેવા, વર્ગ-2 માટે ઓનલાઈન અરજી 7 માર્ચ, 2025 થી 23 માર્ચ, 2025 સુધી રાત્રે 11:59 સુધી ભરી શકાશે.

GPSC દ્વારા જાહેર કરવામાં આવેલી આ ભરતી ઉમેદવારો માટે એક મોટી તક છે. ઉમેદવારો સત્તાવાર વેબસાઈટ પર જઈને વિગતવાર માહિતી મેળવી શકે છે અને ઓનલાઈન અરજી કરી શકે છે.