૧૦૦૦ જેટલી ભારીની આવક થતા બંધ કરવામાં આવી

જામનરગના હાપા માર્કેટીંગ યાર્ડમાં આજે રવિવારના રાજાના દિવસે પણ મરચાની ૧૦૦૦૦ જેટલી ભારીની જંગી આવક થવાથી માર્કેટીંગ યાર્ડ ઉભરાયું છે અને નવી જાહેરાત ન થાય ત્યાં સુધી મરચાની આવક બંધ કરવાની ફરજ પડી છે.
જામનગરના હાપા માર્કેટીંગ યાર્ડમાં આજે વ્હેલી સવારના નવા મરચાની આવક શરુ થઇ હતી અને ખેડૂતો દ્વારા જુદા જુદા ર૦પ જેટલા વાહનોમાં મરચાની જંગી જથ્થો ઠરાવવામાં આવ્યો હતો અને બપોર સુધીમાં ૧૦૦૦૦ થી વધુ મરચાની ભારીની આવક થઇ હતી. જેથી બપોરે ૧ર વાગ્યાથી નવી જાહેરાત ન થાય ત્યાં સુધી હાપા માર્કેટીંગ યાર્ડમાં મરચાની આવકને બંધ રાખવાની ફરજ પડી છે.
હાલમાં આવેલા જથ્થાની હરરાજીની પ્રક્રિયા પૂર્ણ થાય પછી નવી આવક ચાલુ કરાશે, તેમ હાપા માર્કેટીંગ યાર્ડના સેક્રેટરી હિતેશ પટેલની યાદીમાં જણાવાયું છે.