શહેરના ગ્રીન લેન્ડ ચોકડી પાસે માલધારી સોસાયટીમાં રાત્રીના રિસામણે ગયેલી પત્નીના ઘરે જઇ પતિએ તેના પર છરી વડે હુમલો કરી દીધો હતો.આ દરમિયાન બહેનને બચાવવા વચ્ચે પડતા આ શખસે તેના સાળાને પણ છરીના ઘા ઝીંકી દીધા હતાં.હુમલામાં ઘવાયેલા ભાઇ-બહેનને સારવાર માટે હોસ્પિટલ ખસેડવામાં આવ્યા છે.

બનાવની જાણવા મળતી વિગતો મુજબ, ગ્રીનલેન્ડ ચોકડી પાસે માલધારી સોસાયટીમાં રહેતાં અને ભંગારની ફેરી કરી પરિવાનું ગુજરાન ચલાવતાં જીતુ વલ્લભભાઇ રાઠોડ (ઉ.વ.29) તથા તેની બહેન સરોજ વિશાલ સોલંકી (ઉ.વ.29)ને રાતે ત્રણેક વાગ્યે ઇજાગ્રસ્ત હાલતમાં સિવિલ હોસ્પિટલમાં ખસેડવામાં આવ્યા હતાં.
હોસ્પિટલ બીછાનેથી જીતુએ જણાવ્યું હતું કે, મારી બહેન સરોજને અગાઉ રામનાથપરા પુલ ભાણજીબાપાની દેરી નજીક રહેતો વિશાલ કિશનભાઇ સોલંકી ભગાડી ગયો હતો અને લગ્ન કરી લીધા હતાં. તેણીને એક પુત્ર છે. વિશાલને અગાઉની પણ એક પત્નિ ચાંદની છે. જે પણ તેની સાથે જ રહે છે. બનેવી વિશાલ મારી બહેન સરોજને મારકુટ કરતો હોઇ જેથી તે બે દિવસ પહેલા મારા ઘરે રિસામણે આવી ગઇ હતી.
દરમિયાન ગઇકાલે મોડી રાતે વિશાલ અને તેની સાથેના શખસો દારૂ પી ઘરે આવ્યા હતાં અને મારી બહેન સરોજને તું કેમ તારા માવતરે આવી ગઇ? કહી તેની સાથે ઝઘડો કરી મારકુટ કરી હતી અને છરીના ઘા ઝીંકી દીધા હતાં. દેકારો થતાં હું વચ્ચે પડતાં મને પણ આડેધડ ઘા માયર્િ હતાં.આ અંગે બી ડિવિઝન પોલીસે વધુ તપાસ હાથ ધરી છે.