રાની મુખર્જી, શિલ્પા શેટ્ટી, શિવ ઠાકરે, એમસી સ્ટેન અને ભૂષણ કુમારે ફરાહની દુખની ઘડીમાં મિત્રતા નિભાવી
જાણીતા કોરીઓગ્રાફર ફરાહ ખાનની માતાનું તાજેતરમાં જ નિધન થયું હતું, જે બાદ તેની હાલત ખૂબ જ ખરાબ છે. આ સમાચાર મળતા જ શાહરૂખ ખાન તેની મિત્ર ફરાહ પાસે પહોંચ્યો હતો અને તેની સંભાળ લેતો જોવા મળ્યો હતો. ફરાહ ખાનની માતા લાંબા સમયથી બીમાર હતી અને તેણે અનેક સર્જરી કરાવી હતી.કોરિયોગ્રાફર અને નિર્દેશક ફરાહ ખાન આ સમયે ભારે આઘાતમાં છે. તે તેની માતા મેનકા ઈરાનીને ગુમાવવાનું દુઃખ સહન કરી શકતી ન હતી અને સતત રડતી હતી. દુઃખની આ ઘડીમાં શાહરૂખ ખાન પણ તેની મિત્ર ફરાહ પાસે પહોંચ્યો અને તેને રડતી જોઈને તેની સંભાળ લેવા લાગ્યો હતો અને મનાવતા ના દર્શન કરાવ્યા હતા. તેમની પત્ની ગૌરી ખાન અને પુત્રી સુહાના પણ ત્યાં હતી. શાહરૂખનો એક વીડિયો પણ સામે આવ્યો છે, જેમાં તે ફરાહના ઘરેથી બહાર આવી રહ્યો છે. ફરાહ પણ હાજર છે, જે તેની માતાને ગુમાવ્યા પછી પ્રથમ વખત જોવા મળી હતી.શાહરૂખ ખાન બહાર આવ્યો અને ફરાહને સમજાવીને થોડીવાર ઉભો રહ્યો. જો કે, રાબેતા મુજબ સુરક્ષાકર્મીઓએ છત્રી વડે મોઢા ઢાંકી દીધા હતા. શાહરૂખ સિવાય ફરાહના ઘરે અનેક ફિલ્મ સેલિબ્રિટીઓ પહોંચી હતી, જેમાં રાની મુખર્જી, શિલ્પા શેટ્ટી, શિવ ઠાકરે, એમસી સ્ટેન અને ભૂષણ કુમાર સામેલ હતા.
ફરાહની માતાએ બાળકોને એકલા હાથે ઉછેર્યા હતા
ફરાહ ખાનની માતા મેનકા ઈરાની મુંબઈની નાણાવટી હોસ્પિટલમાં સારવાર લઈ રહી હતી. તેમને ઘરે લઈ આવ્યા હતા પરંતુ તેની તબિયત બગડી. આ પછી તેને તાત્કાલિક હોસ્પિટલ લઈ જવામાં આવ્યો, પરંતુ તમામ પ્રયાસો છતાં તેને બચાવી શકાયા નહી . ફરાહના પિતા કામરાન ખાનનું ઘણા વર્ષો પહેલા અવસાન થયું હતું. તેઓ જાણીતા ફિલ્મ નિર્માતા હતા.
ફરાહે 12 જુલાઈના રોજ તેની માતાનો જન્મદિવસ ઉજવ્યો હતો
પિતાના મૃત્યુ બાદ માતાએ ફરાહ અને સાજિદ ખાનને એકલા હાથે ઉછેર્યા હતા. 12મી જુલાઈએ ફરાહની માતા મેનકાનો જન્મદિવસ હતો. ફરાહે ખૂબ જ ધામધૂમથી ઉજવણી કરી અને એક ઈમોશનલ પોસ્ટ પણ લખી. પરંતુ તેઓને ક્યા ખબર હતી કે તેમની માતા થોડા દિવસો પછી તેમને છોડી દેશે.