લખનૌ સુપર જાયન્ટ્સે ગુજરાત ટાઇટન્સને 33 રને હરાવ્યું. આ જીત બાદ KL રાહુલની આગેવાની હેઠળની લખનૌ સુપર જાયન્ટ્સ પોઈન્ટ ટેબલમાં ત્રીજા સ્થાને પહોંચી ગઈ છે.

લખનૌ સુપર જાયન્ટ્સે ગુજરાત ટાઇટન્સને હરાવ્યું. શુભમન ગિલની આગેવાની હેઠળની ગુજરાત ટાઈટન્સને 33 રનથી હારનો સામનો કરવો પડ્યો હતો. ગુજરાત ટાઇટન્સને જીતવા માટે 164 રનનો ટાર્ગેટ હતો, પરંતુ તે 18.5 ઓવરમાં માત્ર 130 રનમાં જ સમેટાઈ ગયું હતું. તે જ સમયે, આ જીત બાદ લખનૌ સુપર જાયન્ટ્સ પોઈન્ટ ટેબલમાં ત્રીજા સ્થાને પહોંચી ગઈ છે. હવે કેએલ રાહુલની આગેવાની હેઠળ લખનૌ સુપર જાયન્ટ્સ પાસે 4 મેચમાં 6 પોઈન્ટ છે.

લખનૌ સુપર જાયન્ટ્સના 163 રનના જવાબમાં બેટિંગ કરવા આવેલી ગુજરાત ટાઇટન્સે સારી શરૂઆત કરી હતી. ગુજરાત ટાઇટન્સના ઓપનર શુભમન ગિલ અને સાઇ સુદર્શને પ્રથમ વિકેટ માટે 6 ઓવરમાં 54 રન જોડ્યા હતા. શુભમન ગિલે 19 રન બનાવ્યા હતા. સાઈ સુદર્શને 31 રનનું યોગદાન આપ્યું, પરંતુ આ પછી નિયમિત અંતરે વિકેટ પડવાની પ્રક્રિયા શરૂ થઈ. ગુજરાત ટાઈટન્સના 5 બેટ્સમેન 80 રનના સ્કોર સુધીમાં જ પેવેલિયનમાં જતા રહ્યા હતા. કેન વિલિયમસન, શરથ બીઆર વિજય શંકર અને દર્શન નલકાંડે સસ્તામાં આઉટ થયા હતા.

કૃણાલ પંડ્યા અને યશ ઠાકુરની ઘાતક બોલિંગ

લખનૌ સુપર જાયન્ટ્સ માટે યશ ઠાકુર સૌથી સફળ બોલર રહ્યો હતો. યશ ઠાકુરે 3.5 ઓવરમાં 30 રનમાં 5 બેટ્સમેનોને આઉટ કર્યા હતા. કૃણાલ પંડ્યાએ ગુજરાત ટાઇટન્સના 3 બેટ્સમેનોને પોતાનો શિકાર બનાવ્યા હતા. જ્યારે રવિ બિશ્નોઈને 1 સફળતા મળી હતી.