સ્થાનિક સ્વરાજ્યની ચૂંટણીમાં મતદાન પહેલા જ ભારતીય જનતા પાર્ટીએ 215 બેઠક પર બિનહરીફ જીત મેળવી છે. 68 નગરપાલિકામાં 196 બેઠકો, જુનાગઢ મહાનગરપાલિકાની 9 બેઠકો તેમજ તાલુકા પંચાયત અને પેટા ચૂંટણીની 10 બેઠકો મળીને કુલ 215 બેઠકો પર ભારતીય જનતા પાર્ટીનો બિનહરીફ વિજય થયો છે.

મહાનગરપાલિકાની ચૂંટણીમાં ભાજપનો દબદબો

ભચાઉ નગરપાલિકામાં 28 માંથી 22 બેઠકો, હાલોલમાં 36 માંથી 19 બેઠકો, જાફરાબાદમાં 28 માંથી 16 બેઠકો અને બાંટવામાં 24 માંથી 15 બેઠકો પર ભાજપે બિનહરીફ વિજય મેળવ્યો છે. ઉપરાંત જુનાગઢ મહાનગરપાલિકાની 9 બેઠકો અને તાલુકા પંચાયત તેમજ પેટા ચૂંટણીની 10 બેઠકો મળીને કુલ 215 બેઠકો પર ભારતીય જનતા પાર્ટીએ બિનહરીફ વિજય મેળવ્યો છે.

ભાજપના નેતાઓના પ્રયાસો અને વિકાસના કાર્યો

ભાજપની આ જીત માટે માનનીય વડાપ્રધાન નરેન્દ્રભાઈ મોદી, કેન્દ્રીય ગૃહ અને સહકારિતા મંત્રી અમિતભાઈ શાહ, ગુજરાતના મુખ્યમંત્રી ભૂપેન્દ્રભાઈ પટેલ અને પ્રદેશ અધ્યક્ષ તેમજ કેન્દ્રીય જળશક્તિ મંત્રી સી.આર. પાટીલના માર્ગદર્શનમાં જનતા સુધી પહોંચીને પ્રજાલક્ષી કાર્યો કરવાનું મુખ્ય કારણ રહ્યું છે.