ગઇ તા.૧૨ ના બનેલી લુંટની આ ઘટનાને લઇ તાલુકા પોલીસ મથકના પીઆઇ ડી.એમ.હરીપરાની રાહબરીમાં પીએસઆઈ એમ.એચ.મહારાજ તથા હેડ કોન્સ. બલભદ્રસિંહ સુરૂભા જાડેજા, કુલદીપસિંહ જાડેજા, મયુરસિંહ જાડેજા, શિવભદ્રસિંહ ગોહિલ, હરપાલસિંહ જાડેજા અને જયપાલસિંહ સરવૈયા સહિતનો સ્ટાફ તપાસમાં હતો.દરમિયાન ફોનની ચીલઝડપ કરનાર ન્યુ રીંગ રોડ કરણ અર્જુન પાર્ટી પ્લોટ નજીક બાઈક લઈ ઉભો હોવાની બાતમી આધારે સ્ટાફે બાતમીવાળા સ્થળે જઈ શંકાસ્પદ ઉભેલ શખસની પુછતાછ કરતા તે બાલાજી હોલ પાસે આરએમસી કવાર્ટરમાં રહેતો વનરાજ ઉર્ફે ટકો રવજીભાઈ હાડા(ઉ.વ ૨૦) હોવાનું જણાવ્યું હતું.પોલીસે તેની ઝડતી લેતા વિવિધ કંપનીના ૬ ફોન તથા રોકડ રૂ.૬૫૦૦ મળી આવતા પોલીસે રૂ.૮૦,૫૦૦નો મુદામાલ કબજે કર્યો હતો.

આરોપીની પ્રાથમિક પુછતાછમાં ૧૫ દિવસમાં વિવિધ સ્થળેથી લોકોના ફોન ઝુંટવી ચોરી કરી હોવાની કબુલાત આપી હતી.જેની પુછતાછ દરમિયાન પાંચ મોબાઇલ ચોરીના બનવાનો ભેદ ઉકેલાયો હતો.