શહેરમાં નવા ૧૫૦ ફટ રીંગ રોડ પર અટલ સરોવર આસપાસનો વિસ્તાર રીલ બનાવવા માટેનું ફેવરિટ સ્પોટ બની ચૂકયો હોય તેમ અવારનવાર રીલ બનાવવા અંગેના વિડીયો વાયરલ થતા રહે છે. ત્યારે આજરોજ વધુ એક વીડિયો સોશિયલ મીડિયામાં વાયરલ થયો છે. જેમાં એક શખસ અહીં રોડ પર બુલેટ રાખી પેટ્રોલ છાંટી ૨૧ નો સિમ્બોલ દર્શાવી રહ્યો અને ૨૧ માં જન્મદિવસની ઉજવણી કરતો હોય તેવું નજરે પડે છે. વાયરલ થયેલા આ વીડિયોને લઇ યુનિવર્સિટી પોલીસે તપાસ હાથ ધરી છે. વીડિયોમાં દેખાતા આ શખસને ઝડપી લેવા માટે શોધખોળ શ કરી છે.
આજરોજ સોશિયલ મીડિયામાં એક વિડીયો વાયરલ થયો છે જેમાં શહેરના નવા ૧૫૦ પર રીંગરોડ અટલ સરોવર પાસેની કોઈ જગ્યાએ અહીં રોડ પર એક બાઈક ચાલક ફિલ્મી સ્ટાઇલમાં અહીં રોડ પર પોતાનું બાઈક ઉભું રાખી તો રોડ પર ૨૧ લખી તેના પર પેટ્રોલ છાંટી સીનસપાટા કરતો હોય તેવું આ વીડિયોમાં નજરે પડી રહ્યું છે. નબીરાએ આ પ્રકારે અનોખી રીતે પોતાના જન્મદિવસની ઉજવણી કરી હોય તેવું આ વિડિયો પરથી જણાઈ રહ્યું છે.
વાયરલ થયેલા આ વીડિયોને યુનિવર્સિટી પોલીસ મથકના સ્ટાફે તપાસ શ કરી છે વીડિયોમાં દેખાતા આ શખ્સને ઝડપી લેવા અને તેને કાયદાનો પાઠ ભણાવવા માટે તેની શોધખોળ શ કરવામાં આવી છે.