વૃઘ્ધાશ્રમ અને અનાથ આશ્રમ ખાતે કેકનું વિતરણ કરાયું: બાંધણીના ઉદય અને મહીલા સશકિતકરણની ઉજવણીમાં જોડાવા અપીલ

દેશના પ્રધાનમંત્રી નરેન્દ્રભાઇ મોદીના 75માં જન્મદિવસ નિમિતે ગઇકાલે સાંજે હોટલ સયાજી ખાતે 75 કિલોની કેક કાપવામાં આવી હતી, સ્વાસ કંપની દ્વારા આ આયોજન કરવામાં આવ્યું હતું, આગામી દિવસોમાં સ્વાસ બાંધણી મેકીંગ, ડીઝાઇનીંગ અને સેલ ફ્રી ટ્રેઇનીંગનું રજીસ્ટ્રેશન પણ થશે તેવી જાહેરાત પણ કરવામાં આવી હતી.

કંપનીના રાજેશભાઇ ગાંધીના જણાવ્‌યા અનુસાર ત્રણ અલગ-અલગ જગ્યાએ ટ્રેનીંગ આપવામાં આવશે અને તેનું રજીસ્ટ્રેશન કરવામાં આવશે, 5 હજાર સુધીનું સ્ટાઇપેન્ડ પણ આપવામાં આવશે. બાંધણીની ફેશન અને સ્ટાઇલીંગ ઇન્સ્ટીટયુટ, બાંધણી બનાવવાની ટ્રેનીંગ અને બાંધણી વેંચાણ ટ્રેનીંગ એમ અલગ-અલગ ભાગ પાડવામાં આવ્યા છે અને આ માટે ફોન નં.91-63528 32998 પર વોટસએપ કરવાથી માહીતી મળી શકશે.

ગઇકાલે અગ્રણીઓ અને વિવિધ મહીલા સંગઠનના હોદેદારોની ઉપસ્થિતિમાં કેક કટીંગ કરાયા બાદ વૃઘ્ધાશ્રમ અને અનાથ આશ્રમ ખાતે કેક વિતરણ કરવામાં આવ્યું હતું, એ પહેલા બપોરે 4 થી 7 દરમ્યાન સેલ્ફી વીથ કેકનો કાર્યક્રમ પણ યોજાયો હતો, આના દ્વારા સમર્થીત અફસર બીટીયા-વીજીલર્નિંગ-કેદાર ફાઉન્ડેશન સહયોગમાં રહેશે, જામનગરમાં બાંધણી ઉદ્યોગને વધુને વધુ પ્રોત્સાહન મળે તેમજ મહીલાઓને અવનવી બાંધણી અંગે માર્ગદર્શન મળે તે માટે આ સહીયારો પ્રયાસ છે, કાર્યક્રમમાં લોહાણા સમાજના અગ્રણી જીતુભાઇ લાલ સહિત બાંધણી વ્યવસાય કરતા વેપારીઓ, સામાજીક કાર્યકરો, મહીલા સંગઠનના પ્રતિનિધિઓ પણ હાજર રહ્યા હતાં.