સત્તાવાર સૂત્રોએ જાહેર કર્યા મુજબ, પી.જી.વી.સી.એલ. દ્વારા વર્ષ ૨૦૨૪-૨૫ દરમિયાન એલ.ટી. કેટેગરીના કુલ ૨,૯૧,૪૮૭ ગ્રાહકો પાસેથી ૩૯૧.૩૫ મીલીયન યુનિટ સોલાર પાવરની ખરીદી કરવામાં આવી હતી. જેમાં ગત વર્ષ ૨૦૨૩-૨૪ની સરખામણીએ સોલાર ગ્રાહકોની સંખ્યામાં ૬૦.૯૭% અને સોલાર પાવર ખરીદી અન્વયે ગ્રાહકોને પેમેન્ટની રકમમાં ૫૭.૫૫% નો અદભૂતપૂર્વ વધારો નોંધાયેલ છે. જે પી.જી.વી.સી.એલ.ના ગ્રાહકોની ગ્રીન એનેર્જી અપનાવીને પર્યાવરણ તરફથી જાગૃતતા દર્શાવે છે.

વધુમાં જણાવાયું છે કે વર્ષ ૨૦૨૪-૨૫ દરમિયાન પીજી.વી.સી.એલ. દ્વારા ગ્રાહકો પાસેથી ખરીદ કરવામાં સોલાર વીજળી પેટે રૂ. ૬૫.૫૮ કરોડનું ટૂંક સમયમાં પેમેન્ટ કરવામાં આવશે. કેન્દ્ર સરકારની સોલાર સ્કીમ અંતર્ગત સબસિડીનો લાભ લઈને સોલાર પાવર અપનાવીને વીજ ક્ષેત્રે આત્મનિર્ભર બનવા તેમજ ગ્રીન એનર્જી દ્વારા પર્યાવરણ જાળવણીમાં પોતાનું અમુલ્ય યોગદાન આપે તેવો અનુરોધ કરવામાં આવ્યો છે.