શાપરમાં જાહેરમાં જુગાર રમતા છ શખસોને પોલીસે ઝડપી લઇ તેની પાસેથી .૧૦,૬૦૦ ની રોકડ કબજે કરી હતી.જયારે ભાયાવદર પોલીસે પાંચ શખસોને જુગાર રમતા ઝડપી લીધા હતાં.
જુગારના આ દરોડાની જાણવા મળતી વિગતો મુજબ,શાપર વેરાવળ પોલીસ મથકના પીએસઆઇ આર.બી.રાણાની રાહબરી હેઠળ ટીમ પેટ્રોલીંગમાં હતી દરમિયાન મળેલી બાતમીના આધારે વેરાવળ ગામમાં સ્વરાજ સંસ્થા પાસે આવેલા ખુલ્લા પટમાં જુગાર રમતા છ શખસોને ઝડપી લીધા હતાં.જેમાં સુમીત પાલ,જીતેન્દ્ર સીંગ, ઓકન ગજરાજસિંહ, અમરશી મીશ્રા,રોહીત શીવહરી,નંદકિશોર કુસવાહનો સમાવેશ થાય છે.પોલીસે પટમાંથી રોકડ ૧૦,૬૦૦ કબજે કરી કાયદેસરની કાર્યવાહી કરી હતી.
જયારે ભાયવદર પોલીસે અરણી ગામે શેરીમાં જાહેરમાં જુગાર રમતા પાંચ શખસોને ઝડપી લીધા હતાં.જેમાં નટુ મહીડા,જયસુખ પરમાર, હિરજી વાઘ, અરવીંદ વાઘ અને વિનુ તાળાનો સામાવેશ થાય છે.પોલીસે પટમાંથી રોકડ .૫૧૧૦ કબજે કર્યા હતાં.આ સિવાય ધોરાજી તાલુકા પોલીસ મથકના સ્ટાફે ભતવડ ગામે નારણ મંઘરાના વંડા પાસે જુગાર રમતા રાહત્પલ બારૈયા અને સાગર મકવાણાને ઝડપી લઇ તેની પાસેથી રોકડ .૨૯૨૦ કબજે કરી કાયદેસરની કાર્યવાહી કરી હતી.