યુપીના પીલીભીતમાં પંજાબ પોલીસ અને ઉત્તર પ્રદેશ પોલીસની સંયુક્ત કાર્યવાહીમાં માયર્િ ગયેલા ત્રણ ખાલિસ્તાની આતંકવાદીઓના મૃતદેહોને લઈને પંજાબ જઈ રહેલી એમ્બ્યુલન્સને રામપુર બાયપાસ પર અજાણ્યા વાહને ટક્કર મારતાં રામપુર પોલીસમાં ખળભળાટ મચી ગયો હતો.
મોડી રાત્રે આ દુર્ઘટનાની માહિતી મળતાની સાથે જ રામપુર પોલીસે ત્રણેય આતંકવાદીઓના મૃતદેહોને પંજાબ પોલીસની મોબાઈલ ફોરેન્સિક વાન નંબર પીબી 06 વી 0169માં એમ્બ્યુલન્સમાં તુરંત સ્થાનાંતરિત કરીને પંજાબ મોકલ્યા હતા. રાહતની વાત એ છે કે આ અકસ્માતમાં કોઈ જાનહાનિ થઈ નથી.
ફોન પર ઘટનાની માહિતી આપતાં પોલીસ અધિક્ષક રામપુર વિદ્યાસાગર મિશ્રાએ કહ્યું કે મોડી રાત્રે જ્યારે ત્રણ આતંકવાદીઓના મૃતદેહ પીલીભીતથી પંજાબ લઈ જવામાં આવી રહ્યા હતા ત્યારે રામપુર બાયપાસ પર એમ્બ્યુલન્સને અજાણ્યા વાહને ટક્કર મારી હતી. જેના કારણે આ એમ્બ્યુલન્સ બગડી ગઈ હતી. માહિતી મળતાની સાથે જ ત્રણેય મૃતદેહોને અન્ય એમ્બ્યુલન્સમાં ટ્રાન્સફર કરીને પંજાબ મોકલવામાં આવ્યા હતા.
નોંધનીય છે કે પીલીભીતના પુરનપુરમાં પંજાબ પોલીસ અને ઉત્તર પ્રદેશ પોલીસની સંયુક્ત ટીમ સાથેની અથડામણમાં ખાલિસ્તાન ઝિંદાબાદ ફોર્સના ત્રણ આતંકવાદીઓ માયર્િ ગયા હતા. તેમની પાસેથી બે એકે-47 રાઈફલ, બે ગાલોક પિસ્તોલ અને મોટી માત્રામાં કારતુસ મળી આવ્યા હતા.
પોસ્ટમોર્ટમ અને અન્ય કાનૂની ઔપચારિકતાઓ પૂર્ણ કયર્િ પછી, ત્રણેય આતંકવાદીઓના મૃતદેહને એમ્બ્યુલન્સ દ્વારા પંજાબ લઈ જવામાં આવી રહ્યા હતા ત્યારે રામપુર બાયપાસ પર સાંવરિયા ફાર્મ નજીક અજાણ્યા વાહન દ્વારા એમ્બ્યુલન્સને ટક્કર મારતાં અકસ્માત સર્જાયો હતો.