પ્રશાંત કિશોર બીપીએસસીની 70મી પ્રિલિમિનરી પરીક્ષા રદ કરવાની માગ સાથે પટનાના ગાંધી મેદાનમાં ગાંધી પ્રતિમા નીચે પ્રશાંત કિશોર આમરણાંત ઉપવાસ કરી રહ્યા હતા. આજે વહેલી સવારે 4 વાગ્યે પોલીસ આવી અને પ્રશાંત કિશોરની બળજબરીથી અટકાયત કરી લઈ ગઈ હતી. જન સૂરજ પાર્ટીનાના લોકોનો આરોપ છે કે, આ દરમિયાન પોલીસે પ્રશાંત કિશોરને લાફો પણ માર્યો હતો. કહેવામાં આવી રહ્યું છે કે, પોલીસ પ્રશાંત કિશોરને પટના એઈમ્સમાં લઈ ગઈ છે, જ્યાં તેનું હેલ્થ ચેકઅપ કરવામાં આવી રહ્યું છે. જો કે, પ્રશાંત કિશોરે કોઈપણ પ્રકારની સારવારનો ઈન્કાર કર્યો છે અને તેમના ઉપવાસ ચાલુ રાખ્યા છે.
પ્રશાંત કિશોરને એમ્બ્યુલન્સમાં લઈ જવામાં આવ્યા હતા. કસ્ટડીમાં લેતા પહેલા પ્રશાંત કિશોરે કહ્યું હતું કે, તે બીપીએસસી અનિયમિતતા અંગે 7 જાન્યુઆરીએ હાઈકોર્ટમાં અરજી કરશે. પ્રશાંતે એવી પણ અપીલ કરી હતી કે રાષ્ટ્રીય જનતા દળ ()ના નેતા અને પૂર્વ ડેપ્યુટી સીએમ તેજસ્વી યાદવે વિદ્યાર્થી આંદોલનનું નેતૃત્વ કરવું જોઈએ, કેમ કે તેઓ મોટા નેતા છે અને બિહારના વિપક્ષના નેતા છે.
વિરોધ કરી રહેલા પ્રશાંત કિશોરે કહ્યું હતું કે આ માત્ર વિરોધ નથી. બિહારના લોકોનું જીવન સુધારવાનો આ જુસ્સો છે. હું વિદ્યાર્થીઓનું ભવિષ્ય સુધારવા માગુ છું. ઠંડીના વાતાવરણમાં વિરોધ કરી રહેલા લોકો ગીતો ગાઈ રહ્યા છે. હું આરોપોના જવાબ આપીને થાકી ગયો છું. આસપાસ જુઓ, તમે ક્યાંક વેનિટી વેન જોઈ? હું અહીં જ વિદ્યાર્થીઓ સાથે જ સૂઈશ.
આરજેડી નેતા તેજસ્વી યાદવે 4 જાન્યુઆરીએ કહ્યું હતું કે ભાજપ બીપીએસસી ઉમેદવારોના પ્રદર્શન પર રાજનીતિ કરી રહી છે. વિરોધમાં સામેલ ઘણા લોકો ભાજપ્ની બી ટીમ છે.
13 ડિસેમ્બરે બિહાર પબ્લિક સર્વિસ કમિશન (બીપીએસસી ) દ્વારા આયોજિત 70મી ઈન્ટિગ્રેટેડ (પ્રિલિમિનરી) સ્પધર્ત્મિક પરીક્ષાને રદ કરવાની માગણી સાથે જન સૂરજના સ્થાપકો ગુરુવાર, 2 જાન્યુઆરીથી આમરણાંત ઉપવાસ પર છે. જો કે, બીપીએસસી એ 13 ડિસેમ્બરની પરીક્ષામાં હાજર રહેલા કેટલાક પસંદગીના ઉમેદવારો માટે ફરીથી પરીક્ષાનો આદેશ આપ્યો હતો. પ્રશ્નપત્ર લીકના આરોપોને કારણે આ પરીક્ષા વિવાદોમાં ઘેરાયેલી હતી.
આ પછી પટનાના 22 કેન્દ્રો પર શનિવારે ફરીથી પરીક્ષા લેવામાં આવી હતી. જેમાં કુલ 12,012 ઉમેદવારોમાંથી લગભગ 8,111 ઉમેદવારોએ તેમના એડમિટ કાર્ડ ડાઉનલોડ કયર્િ હતા. જો કે, 4 જાન્યુઆરી, શનિવારે પુન: પરીક્ષામાં માત્ર 5,943 વિદ્યાર્થીઓ હાજર રહ્યા હતા. બીપીએસસી એ શનિવારે જાહેર કરેલા એક નિવેદનમાં જણાવ્યું હતું કે તમામ કેન્દ્રો પર ફરીથી પરીક્ષા શાંતિપૂર્ણ રીતે હાથ ધરવામાં આવી હતી અને કોઈ ગેરરીતિ કે ગેરરીતિ નોંધાઈ નથી.