વિકેટકીપર બેટ્સમેન રિષભ પંત IPL ઈતિહાસનો સૌથી મોંઘો ક્રિકેટર બની ગયો છે. સાઉદી અરેબિયાના જેદ્દાહમાં ચાલી રહેલી IPL મેગા ઓક્શનમાં લખનૌ સુપર જાયન્ટ્સે તેને 27 કરોડ રૂપિયામાં ખરીદ્યો છે.

આ હરાજીમાં શ્રેયસ અય્યર આઈપીએલ ઈતિહાસનો બીજો સૌથી મોંઘો ખેલાડી બન્યો છે. પંજાબ કિંગ્સે તેને રૂ. 26.75 કરોડની બોલી લગાવીને ખરીદ્યો હતો. આ હરાજીમાં વેચાયેલો તે પ્રથમ કેપ્ટન છે. 

IPL હરાજીની ખાસ વાતો...

- મિચેલ સ્ટાર્કને દિલ્હીએ 11.75 કરોડ રૂપિયામાં ખરીદ્યો હતો. ગત સિઝનમાં તેને કોલકાતાએ 24.75 કરોડ રૂપિયામાં ખરીદ્યો હતો. આ વખતે કિંમત લગભગ અડધી થઈ ગઈ હતી.

- બે કેપ્ટન શ્રેયસ ઐયર અને રિષભ પંતને પંજાબ કિંગ્સ અને લખનૌ સુપર જાયન્ટ્સે રૂ. 53.75 કરોડમાં ખરીદ્યા હતા.

- પ્રથમ 6 ખેલાડીઓ 110 કરોડમાં વેચાયા. જેમાં અર્શદીપ, શ્રેયસ, પંત અને બટલરનો પણ સમાવેશ થાય છે.