કેન્દ્રીય સંસ્કૃતિ મંત્રાલયના હસ્તક્ષેપ બાદ સોથેબીઝ હોંગકોંગે પવિત્ર પિપ્રાહવા બૌદ્ધ અવશેષોની હરાજી મુલતવી રાખી છે. હરાજી 07 મે ના રોજ થવાની હતી. પ્રાહવા અવશેષોમાં ઐતિહાસિક બુદ્ધના હાડકાના ટુકડા, સ્ફટિક કાસ્કેટ અને સોનાના આભૂષણો અને રત્નોનો સમાવેશ થાય છે, જે ૧૮૯૮માં વિલિયમ ક્લાક્સટન પપ્પે દ્વારા ખોદવામાં આવ્યા હતા.

એક કાસ્કેટમાં બ્રાહ્મી લિપિમાં એક શિલાલેખ છે જે પુષ્ટિ આપે છે કે આ શાક્ય કુળ દ્વારા જમા કરાયેલા બુદ્ધના અવશેષો છે. આમાંના મોટાભાગના અવશેષો ૧૮૯૯માં કોલકાતાના ભારતીય સંગ્રહાલયમાં સ્થાનાંતરિત કરવામાં આવ્યા હતા. ભારતીય કાયદા હેઠળ તેમને 'એએ' પ્રાચીન વસ્તુઓ તરીકે વર્ગીકૃત કરવામાં આવ્યા છે, જે તેમને દૂર કરવા અથવા વેચાણ પર પ્રતિબંધ મૂકે છે.

નોંધનીય છે કે અસ્થિ અવશેષોનો એક ભાગ સિયામના રાજાને ભેટમાં આપવામાં આવ્યો હતો, જ્યારે ડબલ્યુ.સી. પેપ્પેના પ્રપૌત્ર ક્રિસ પેપ્પે દ્વારા રાખવામાં આવેલા કેટલાક અંતિમ સંસ્કાર રત્નોની હરાજી માટે યાદી બનાવવામાં આવી હતી.

2 મેના રોજ, ભારતીય પુરાતત્વ સર્વેક્ષણના ડિરેક્ટર જનરલે હોંગકોંગના કોન્સ્યુલેટ જનરલને પત્ર લખીને હરાજી તાત્કાલિક રોકવાની વિનંતી કરી. તે જ દિવસે દ્વિપક્ષીય બેઠક દરમિયાન, સંસ્કૃતિ મંત્રી ગજેન્દ્ર સિંહ શેખાવતે યુકેના સંસ્કૃતિ, મીડિયા અને રમતગમત સચિવ લિસા નંદી સમક્ષ આ મુદ્દો ઉઠાવ્યો, અવશેષોના સાંસ્કૃતિક અને ધાર્મિક મહત્વ પર ભાર મૂક્યો અને તાત્કાલિક પગલાં લેવાની વિનંતી કરી. ૫ મેના રોજ, સંસ્કૃતિ મંત્રાલયના સચિવે આગળના પગલાંની ચર્ચા કરવા માટે એક સમીક્ષા બેઠક બોલાવી. તે જ દિવસે સોથેબી અને ક્રિસ પેપ્પેને હરાજી રોકવાની માંગણી કરતી કાનૂની નોટિસ જારી કરવામાં આવી હતી.

૫ મેના રોજ, સોથેબીઝ હોંગકોંગે ઈમેલ દ્વારા કાનૂની નોટિસનો સ્વીકાર કર્યો, અને ખાતરી આપી કે આ મામલો વિચારણા હેઠળ છે અને લેખિત પ્રતિભાવ સબમિટ કરવામાં આવશે. 6 મેના રોજ મોડી રાત્રે, સોથેબીએ ઇમેઇલ દ્વારા જાણ કરી કે પિપ્રાહવા અવશેષોની હરાજી મુલતવી રાખવામાં આવી રહી છે અને વધુ ચર્ચાઓ કરવાની ઓફર કરી.