સેન્ટ ઝેવિયર્સ સ્કૂલમાં આદ્યશક્તિની ઉપાસના કરાઈ

ખંભાળિયાના ગ્રામ્ય વિસ્તાર રામનગર ખાતે આવેલી જાણીતી સેન્ટ ઝેવિયર્સ ઇંગ્લીશ મીડીયમ સ્કુલ ખાતે શનિવારે નવરાત્રી પર્વની ધામધૂમપૂર્વક ઉજવણી કરવામાં આવી હતી. આ પ્રસંગે આકર્ષક પહેરવેશ સાથે તૈયાર થયેલા નાના ભૂલકાઓ તેમજ રાધિકા બનેલી બાળાઓ સાથે શાળાના વિદ્યાર્થીઓએ પરંપરાગત પહેરવેશ ધારણ કરીને ગરબે ઘૂમ્યા હતા.

દર વર્ષની જેમ આ વર્ષે પણ આધુનિક સાઉન્ડ સિસ્ટમ સાથે પ્રાચીન રાસ ગરબાની મોજ માણી, શાળાના વિદ્યાર્થીઓ સાથે શિક્ષકોએ પણ નવરાત્રી પર્વની ભાવભરી રીતે ઉજવણી કરી હતી. આ સમગ્ર આયોજન વિદ્યાર્થીઓમાં આકર્ષણરૂપ બની રહ્યું હતું.

ખંભાળિયાના સિધ્ધપુર ગામે નવરાત્રી મહોત્સવ ઉજવાયો

આદ્યશક્તિ આરાધનાના પર્વ એવા નવરાત્રી નિમિત્તે ખંભાળિયા તાલુકાના સિધ્ધપુર ગામે આવેલી પ્રાથમિક શાળા ખાતે ખાસ ઉજવણી કરવામાં આવી હતી. માતાજીની આરાધનાના આ પર્વ સંદર્ભે બાળકોમાં ધાર્મિકતા આવે તે હેતુથી માં જગદંબાની આરતી, સ્તુતિ કરવામાં આવી હતી. આ કાર્યક્રમમાં બાળકો દ્વારા આકર્ષક પરિવેશ સાથે અલગ અલગ ગ્રુપમાં ઉલ્લાસભેર આ પર્વ ઉજવાયો હતો.