વિસ્ફોટક ફિલ્મ 'ક્રુ'નું ટીઝર થયું રિલીઝ

કરીના, તબ્બુ અને કૃતિની ફિલ્મ 'ક્રુ'નું ટીઝર રીલીઝ થઈ ગયું છે, જ્યારે કોમેડીની વાત આવે ત્યારે બેબો અલગ જ દેખાઈ આવે છે. સાથે જ તબ્બુ અને કૃતિ પણ ટીઝરમાં શાનદાર લાગે છે.આગામી દિવસોમાં આ ફિલ્મ રીલીઝ થશે.

એકતા કપૂરની આગામી ફિલ્મ 'ક્રુ'નું ટીઝર રિલીઝ કરવામાં આવ્યું છે. કરીના કપૂર , તબ્બુ અને કૃતિ સેનનની મૂવીનું ટીઝર ખૂબ જ વિસ્ફોટક છે અને તેણે મૂવીમાં એડલ્ટ કોમેડીનો ડોઝ ઉમેર્યો છે. ત્રણેય સુંદરીઓ પહેલીવાર એક ફ્રેમમાં સાથે જોવા મળશે અને રિયા કપૂર સાથે એકતા કપૂરની આ ફિલ્મનું ટીઝર જોઈને ફરી એકવાર 'વીરે દી વેડિંગ' અને 'થેન્ક યુ ફોર કમિંગ' જેવી ફિલ્મોની યાદો તાજી થશે.

કરીના કપૂર, તબ્બુ અને કૃતિ સેનનની ફિલ્મ 'ક્રુ'નું ધમાકેદાર ટીઝર જોયા પછી લોકો હસવાનું રોકી રહ્યા નથી. ટીઝરમાં કરીના કપૂર ફુલ ફાયર મોડમાં જોવા મળી રહી છે, જ્યારે પણ કોમેડીની વાત આવે છે તો બેબો અલગ જ દેખાઈ આવે છે. સાથે જ તબ્બુ અને કૃતિ સેનન પણ ટીઝરમાં શાનદાર લાગે છે. ટીઝરમાં કપિલ શર્મા અને દિલજીત દોસાંજની ઝલક પણ જોવા મળે છે.

પરંતુ ટીઝર જોયા પછી લોકોના મનમાં એક જ વાત આવી રહી છે કે શું એડલ્ટ કોમેડી આ ત્રણેય અભિનેત્રીઓના કરિયરને નવો વેગ આપી શકશે. છેલ્લે કરીના કપૂર છેલ્લે ફિલ્મ 'જાને જાન'માં જોવા મળી હતી. તબ્બુ, કરીના કપૂર ખાન અને કૃતિ સેનન સ્ટારર ફિલ્મ ક્રૂના ટીઝર સાથે મેકર્સે રિલીઝ ડેટની પણ જાહેરાત કરી છે. આ ફિલ્મ 29 માર્ચે સિનેમાઘરોમાં રિલીઝ થવાની છે.  

ટીઝરમાં ત્રણ કેબિન ક્રૂ એટેન્ડન્ટની વાર્તા દર્શાવવામાં આવી છે જેઓ જીવનના વિવિધ ક્ષેત્રોમાંથી આવે છે. મધ્યમ-વર્ગીય પરિવારોમાંથી આવતા, તેઓ સખત મહેનત કરે છે પરંતુ નિયતિ તેમને અણધારી પરિસ્થિતિઓમાં લઈ જાય છે. તેઓ એરપોર્ટ પરથી સામાનની ચોરી કરતા જોવા મળે છે. આ ફિલ્મમાં કપિલ શર્મા પણ જોવા મળશે.