અનંત અને રાધિકાની સગાઇમાં એન્ગેજમેન્ટ રિંગ લાવનાર સભ્ય બન્યો ચર્ચાનો મુદો

આજકાલ અનંત અંબાણી અને રાધિકા મર્ચન્ટની પ્રી-વેડિંગ સેરેમનીની તૈયારીઓ ચાલી રહી છે. આ તૈયારીઓ વચ્ચે અનંત અને રાધિકાની સગાઇનો એક વીડિયો વાયરલ થઇ રહ્યો છે. આ વાયરલ વીડિયોમાં તેમના માટે એન્ગેજમેન્ટ રિંગ લઇને આવનારને ઇશા અંબાણી ઇંટ્રોડ્યુસ કરાવે છે.એ સભ્ય બીજું કોઈ નહી પરંતુ તેનો પેટ ડોગ હતો.

રિલાયન્સ ઇન્ડસ્ટ્રીઝના ચેરમેન મુકેશ અંબાણીના સૌથી નાના દીકરા અનંત અંબાણી અને બિઝનેસમેન વીરેન મર્ચન્ટની દીકરી રાધિકા મર્ચન્ટની પ્રી-વેડિંગ સેરેમનીની તૈયારીઓ જોરશોરથી ચાલી રહી છે. બંનેએ ગયા વર્ષે મુંબઇમાં એક ગોળધાણા સેરેમનીમાં સગાઇ કરી હતી. પરંતુ શું તમે જાણો છો કે આ સગાઇ માટે રિંગ લાવનાર એટલે કે રિંગ બિયરર કોણ હતું? આ સભ્યને અંબાણી ફેમિલી માટે લકી માનવામાં આવે છે. સોશિયલ મીડિયા પર અનંત અને રાધિકાની સગાઇનો એક વીડિયો વાયરલ થઇ રહ્યો છે. વીડિયોમાં વરરાજાની બહેન ઇશા અંબાણી પીરામલ રિંગ બિયરરને ઇન્ટ્રોડ્યુસ કરતાં જોવા મળી રહી છે.

ઈશા અંબાણી પીરામલે એનાઉન્સ કરતાની સાથે જ તેનો પેટ ડોગ એન્ટર કરે છે. અનંત અંબાણી અને રાધિકા મર્ચન્ટની એન્ગેજમેન્ટ લાવનાર બીજુ કોઇ નહીં પરંતુ તેનો પેટ ડોગ હતો. ડોગના ગળામાં લાલ રંગનો સ્કાર્ફ હતો અને તેની સાથે એન્ગેજમેન્ટ રિંગ બાંધેલી હતી. જ્યારે ડોગ સ્ટેજ પર પહોંચ્યો ત્યારે અનંત અંબાણીએ એન્ગેજમેન્ટ રિંગ કાઢી.

આ પછી અનંત અંબાણી અને રાધિકા મર્ચન્ટે સગાઈ કરી લીધી. તેમના પર ફૂલોની વર્ષા કરવામાં આવી હતી. મુકેશ અંબાણી અને નીતા અંબાણી તેમના દીકરાની સગાઈમાં ડાન્સ કરતા જોવા મળ્યા હતા. અનંત અને રાધિકાએ મુંબઈમાં ગોળ ધાણા સેરેમનીમાં સગાઈ કરી હતી.

1લી થી 3જી માર્ચ દરમિયાન યોજાશે પ્રી-વેડિંગ સેરેમની

આ રિવાજ હેઠળ, કન્યા અને તેનો પરિવાર મીઠાઈઓ અને ભેટો સાથે વરરાજાના ઘરે પહોંચે છે. પછી કપલ સગાઈ કરે છે અને પરિવારની 5 પરિણીત મહિલાઓ પાસેથી આશીર્વાદ લે છે. હવે, અનંત-રાધિકા તેમના પ્રી-વેડિંગ સેરેમની માટે તૈયાર છે. આ સમારોહ 1લી થી 3જી માર્ચ દરમિયાન ગુજરાતના જામનગરમાં યોજાશે.

પ્રી-વેડિંગ સેરેમનીમાં હાજરી આપશે આ બોલિવૂડ સેલેબ્સ

આ પ્રી-વેડિંગ સેરેમનીમાં અમિતાભ બચ્ચન, શાહરૂખ ખાન, આમિર ખાન અને રજનીકાંત સહિત ફિલ્મ ઈન્ડસ્ટ્રીના પોપ્યુલર સેલેબ્સ હાજર રહેશે. આ સેલિબ્રેશનમાં સલમાન ખાન પણ ભાગ લેશે. અક્ષય કુમાર તેની પત્ની ટ્વિંકલ ખન્ના સાથે પ્રી-વેડિંગ સેલિબ્રેશનમાં પણ હાજરી આપશે.