ગયા વર્ષની સરખામણીમાં આ વર્ષે દેશના ટોચના 100 અમીરોમાંથી 80 ટકાની સંપત્તિમાં વધારો થયો છે. ભારતના 100 સૌથી ધનિક લોકોની સંપત્તિ એક ટ્રિલિયન ડોલરને પાર કરી ગઈ છે. ફોર્બ્સ દ્વારા ગઈકાલે જાહેર કરવામાં આવેલા રિપોર્ટમાં આ માહિતી આપવામાં આવી છે. ફોર્બ્સની ભારતના ટોચના 100 અબજપતિઓની યાદી અનુસાર, દેશના ટોચના ઉદ્યોગપતિઓની સંપત્તિ આ વર્ષે વધીને 1.1 ટ્રિલિયન ડોલર એટલે કે 92 લાખ કરોડ રૂપિયા થઇ ગઈ છે. વર્ષ 2019ના આંકડા કરતા આ રકમ બમણાથી પણ વધુ છે. છેલ્લા 12 મહિનામાં તેમની સંપતિમાં 316 અરબ ડોલર એટલે કે 26.53 લાખ કરોડ રૂપિયા વધી છે. એટલે કે એક વર્ષમાં 40 ટકાનો વધારો થયો છે.
અરબપતિઓની યાદીમાં 119.5 અરબ ડોલર એટલે કે 10.03 લાખ કરોડ રૂપિયા સાથે રિલાયન્સ ઇન્ડસ્ટ્રીના મુકેશ અંબાણી ટોપ પર છે. જયારે ગૌતમ અદાણી આ યાદીમાં બીજા નંબર પર છે.
અહેવાલમાં જણાવાયું છે કે અદાણી પરિવારની કુલ સંપત્તિ 116 અબજ ડોલર છે એટલે કે 9.74 લાખ કરોડ રૂપિયા છે.
આ વર્ષે અદાણી 48 અરબ ડોલર એટલે કે લગભગ 1 લાખ કરોડ રૂપિયા કમાયા છે અને તેમની નેટવર્થ 71 ટકા વધી છે.
જયારે મુકેશ અંબાણીની સંપતિ આ વર્ષે 27.5 અરબ ડોલર એટલે કે 2.30 લાખ ક્રોસ રૂપિયા વધી છે. તેમની નેટવર્થમાં 30 તકની વધારો થયો છે.