ફરિયાદી મહિલાની ભત્રીજીને પરેશાન કરનાર શખ્સે કાકીના ઘરમાં ઘૂસી આવી ધમકી આપી

જામનગરમાં ગોકુલનગર વિસ્તારમાં રહેતી સોનલબેન યોગેશભાઈ કણજારીયા નામની ૩૮ વર્ષની સતવારા જ્ઞાતિની મહિલાએ પોતાના ઘરમાં ઘૂસી આવી જાનથી મારી નાખવાની ધમકી આપવા અંગે મેઘપરમાં રહેતા શક્તિસિંહ રાઠોડ નામના શખ્સ સામે ફરિયાદ નોંધાવી છે.

પોલીસ ફરિયાદમાં જણાવાયા અનુસાર ફરિયાદી સોનલબેન ની ભત્રીજી કે જે અગાઉ રિલાયન્સ મોલમાં કામ કરતી હતી, ત્યારે આરોપી પણ તેની સાથે કામ કરતો હતો, અને સંપર્કમાં હતો. પરંતુ ત્યારબાદ ભત્રીજી ને પરેશાન કરતો હોવાથી તેણી દૂર ચાલી જતાં તેને શોધવા ફરિયાદી ના ઘરમાં આરોપી શક્તિસિંહ રાઠોડ ઘુસી આવ્યો હતો, અને ધમકી આપી હોવાથી પોલીસ ફરિયાદ નોંધાવાઈ છે.