સાહિત્યકાર રાજભા ગઢવી સાહિત્ય રસ પીરસશે

દેવભૂમિ દ્વારકા જિલ્લા વહીવટી તંત્ર દ્વારા આગામી રવિવાર તા. 27 મીના રોજ સાંજે 7 વાગે શિવરાજપુર બીચ ખાતે પર્યટન પર્વ સાંસ્કૃતિક કાર્યક્રમનું આયોજન કરવામાં આવ્યું છે.

આ સાંસ્કૃતિક કાર્યક્રમમાં લોક સાહિત્યકાર રાજભા ગઢવી સાહિત્ય રસ પીરસશે. સાથે ઝાંઝરી ગ્રુપ દ્વારા પણ સાંસ્કૃતિક કાર્યક્રમ રજૂ કરવામાં આવશે.

પર્યટન પર્વમાં પ્રવાસન, સાંસ્કૃતિક પ્રવૃતિઓ, વન અને પર્યાવરણ તેમજ ક્લાઇમેટ ચેન્જ વિભાગના કેબિનેટ મંત્રી મુળુભાઈ બેરા, સાંસદ પૂનમબેન માડમ, ધારાસભ્ય પબુભા માણેક, ધારાસભ્ય હેમંતભાઈ ખવા, જિલ્લા પંચાયત પ્રમુખ રિદ્ધિબા જાડેજાની વિશેષ ઉપસ્થિતી રહેશે. આ કાર્યક્રમનો લાભ લેવા જાહેર જનતાને જિલ્લા વહીવટી તંત્ર દ્વારા અનુરોધ કરવામાં આવ્યો છે.