૧૫,૦૦૦ની રોકડ રકમ અને બે સોનાની વીંટી સહિતની માલમત્તાની ચોરીની ફરિયાદ

જામનગર શહેરમાં તસ્કરોએ એક રહેણાંક મકાનને નિશાન બનાવી લીધું હતું, અને તિજોરી નો લોક ખોલી અંદરથી ૧૫,૦૦૦ની રોકડ રકમ અને બે સોનાની વીંટી વગેરેની ચોરી કરી લઈ ગયા ની ફરિયાદ પોલીસમાં નોંધાવાઇ છે.

જામનગરમાં રાજપાર્ક નજીક રંગમતી પાર્કમાં રહેતા મિલાપ ચેતનભાઇ ચૌહાણ નામના યુવાને પોતાના રહેણાક મકાનમાં કોઈ તસ્કરોએ પ્રવેશ કરી લોકરમાં રાખેલી ચાવી વડે લોક ખોલી નાખી અંદરથી રૂપિયા ૧૫,૦૦૦ની રોકડ રકમ તેમજ બે સોનાની વીંટી વગેરે મળી રૂપિયા ૩૦,૦૦૦ ની માલમત્તા ની ચોરી કરી ગયા હતા. જે બનાવ અંગે સિટી બી. ડિવિઝન પોલીસ મથકમાં ફરિયાદ નોંધાવતા પોલીસે તપાસના ચક્રો ગતિમાન કર્યા છે.