દક્ષિણ ટાપુ પર ભૂકંપ આવ્યા પછી દરેકને કટોકટી સંદેશ ચેતવણી મોકલવામાં આવી હતી. જિયોનેટ વેબસાઇટ અનુસાર, ત્યાંના સ્થાનિક સમય મુજબ ભૂકંપ બપોરે 2.43 વાગ્યે આવ્યો હતો. કટોકટી વ્યવસ્થાપન મંત્રી માર્ક મિશેલે જણાવ્યું હતું કે દક્ષિણ ટાપુના નીચલા ભાગ માટે ચેતવણી જારી કરવામાં આવી છે.

યુએસજીએસ મુજબ, ઓસ્ટ્રેલિયન અને પેસિફિક પ્લેટો વચ્ચેના સંગમ દરને કારણે, ઓસ્ટ્રેલિયન પ્લેટનો પૂર્વીય કિનારો વિશ્વના સૌથી વધુ ભૂકંપની દ્રષ્ટિએ સક્રિય પ્રદેશોમાંનો એક છે. તેમણે સોશિયલ મીડિયા પર લખ્યું કે કોઈએ પણ પોતાના ઘરની બહાર ન નીકળવું. દરિયાકાંઠાની નજીક ફરી ભૂકંપનો ભય છે.ન્યુઝીલેન્ડમાં, 3000 કિલોમીટર લાંબી ઓસ્ટ્રેલિયા-પેસિફિક પ્લેટ સીમા મેક્વેરી ટાપુની દક્ષિણેથી દક્ષિણ કેર્મેડેક ટાપુ સાંકળ સુધી વિસ્તરેલો છે.

૧૯૦૦ થી, ન્યુઝીલેન્ડમાં ૭.૫ થી વધુ તીવ્રતાના ભૂકંપના લગભગ ૧૫ કિસ્સાઓ અનુભવાયા છે. આમાંથી નવ, અને ચાર સૌથી મોટા, મેક્વેરી રિજ નજીક આવ્યા હતા, જેમાં 1989 માં રિજ પર આવેલા વિનાશક 8.2 ની તીવ્રતાનો ભૂકંપનો પણ સમાવેશ થાય છે. ન્યુઝીલેન્ડમાં અત્યાર સુધીનો સૌથી મોટો ભૂકંપ ૧૯૩૧માં આવ્યો હતો. આ ૭.૮ ની તીવ્રતાનો હોક્સ બે ભૂકંપ હતો. તે સમયે 256 લોકોએ જીવ ગુમાવ્યા હતા.