સંસ્થાની વિવિધ પ્રવૃત્તિઓનો આઠમા વર્ષમાં પ્રવેશ

ખંભાળિયાની જાણીતી મહિલા સંસ્થા દ્વારા સતત આઠ વર્ષથી સફળતા પૂર્વક વિવિધ આયોજનો કરવામાં આવે છે. જેમાં વિવિધ તહેવારોની ઉજવણીથી લઈને પરિવાર સાથે માણી શકાય તેવા જુદા જુદા વિવિધ સાહિત્યકારો સાથે તેમજ મનોરંજનના સફળ કાર્યક્રમો સમયાંતરે કરાયા છે.

આ વચ્ચે દર વખતની જેમ આ વખતે પણ આયોજકો દ્વારા દીપોત્સવી પૂર્વે રંગત એક્ઝિબિશનનું સુંદર આયોજન કરવામાં આવ્યું છે. જેમાં અત્રે સ્ટેશન રોડ પર આવેલી ગુર્જર સુથાર જ્ઞાતિની વાડી ખાતે દિવાળીને લાગતી અવનવી વેરાયટી સાથે વિવિધ વસ્તુઓ લઈ અને રાજકોટ, લીંબડી, સુરેન્દ્રનગર, પોરબંદર તથા જામનગર જેવા શહેરોમાંથી વિવિધ સ્ટોલધારકોનું અહીં આગમન થયું છે.

આ પ્રદર્શીનીને નિહાળવા આયોજકો ચંદાબેન મોદી તેમજ નિકીતાબેન મજીઠીયા દ્વારા ખંભાળિયા શહેર તથા આસપાસના વિસ્તારની જનતાને અનુરોધ કરાયો છે.