નેશનલ કરાટે ફેડરેશન દ્વારા રાજકોટ ખાતે વેસ્ટ ઝોન કરાટે ચેમ્પિયનશીપનું આયોજન કરવામાં આવ્યું હતુ.જેમાં ભાવનગરના ખેલાડીઓએ  જવલંત સિદ્ધિ મેળવી હતી. આ ટુર્નામેન્ટમાં ભારતના  ૭ પશ્ચિમી રાજ્યો અને કેન્દ્ર શાસિત પ્રદેશો જેવા કે ગુજરાત, મહારાષ્ટ્ર, રાજસ્થાન, મધ્યપ્રદેશ, દીવ, દમણ અને ગોવાના ૪૫૦થી વધુ  વિદ્યાર્થીઓએ ભાગ લીધેલ.આ ચેમ્પિયનશિપમાં ભાવનગર સ્થિત કરાટે એકેડમી ઓફ જાપાન ગોજુરીયુ ઈન્ડિયાના ભાવનગર જિલ્લાના વિવિધ સેન્ટરોમાંથી ૪૨ જેટલા વિદ્યાર્થીઓએ સર્વોત્તમ પ્રદર્શન કરી ૫ ગોલ્ડ, ૧૪ સિલ્વર અને ૧૭ બ્રોન્ઝ એમ કુલ ૩૬ મેડલ જીત્યા હતા.  આ ચેમ્પિયનશિપમાં એકેડમીના ૪ ઈન્સ્ટ્રક્ટર્સએ ટુર્નામેન્ટમાં રેફરી તરીકે પણ ફરજ બજાવેલ.  વિદ્યાર્થીઓની આ જવલંત સફળતા માટે કરાટે એકેડમી ઓફ જાપાન ગોજુરીયુ ઈન્ડિયાના ચીફ ઇન્સ્ટ્રક્ટર પ્રદીપભાઈ પારેખે વિદ્યાર્થીઓને સતત માર્ગદર્શન પૂરું પાડ્યું હતું.