ભાઈબીજના પવિત્ર તહેવાર નિમિતે રાજકોટ મહાનગરપાલિકા દ્રારા કાર્યરત સિટી બસ અને બીઆરટીએસ બસ સેવા દર વર્ષની પરંપરા મુજબ બહેનો–મહિલાઓ માટે નિ:શુલ્ક રહેશે તે અંગેની જાહેરાત કરવામાં આવી હતી.દરમિયાન તા.૩–૧૧–૨૦૨૪ના રોજ ભાઇબીજ નિમિતે બંને બસ સેવામાં કુલ ૩૦,૮૫૮ મહિલાઓએ વિનામુલ્યે મુસાફરી કરી હતી.
રાજકોટ મહાનગરપાલિકા હસ્તકની એસપીવી રાજકોટ રાજપથ લિ. દ્રારા શહેરના નાગરિકોને શહેરી પરિવહન બસ સેવા પુરી પાડે છે. રાજકોટ મહાપાલિકા દ્રારા દર વર્ષની પરંપરા મુજબ તા.૩–૧૧–૨૦૨૪ને રવિવારના રોજ ભાઇબીજના પવિત્ર તહેવાર નિમિતે સિટી બસ સેવા અને બીઆરટીએસ બસ સેવા બહેનોમહિલાઓ માટે નિ:શુલ્ક મુસાફરીની ભેટ આપેલ, જેમાં સિટી બસ સેવામાં કુલ ૨૧,૫૫૨ અને બીઆરટીએસ બસ સેવામાં કુલ ૯૩૦૬ મહિલાઓએ વિનામુલ્યે મુસાફરી કરી હતી